Day 216 – 自己抺床仔

唔知係咪成日企到望住工人姐姐抺嘢,突然間學識咗!今日自己拿住條沙巾,好似姐姐咁係到抺床仔,有板有眼咁!第日唔會做清潔工人怪?

Day 205 - 單手企?無難度

自己企起身9日後,已經可以單手扶住企啦!感覺好輕鬆呵!

Day 200 - 第一次接觸草地

豆豆今曰200日大啦,帶佢出啟德遊輪碼頭玩!本來諗住放佢係草地影相,點知豆豆超唔鐘草,一放落去就係咁攬住我要我抱住佢!可能無同佢著鞋,啲草吉腳佢唔慣…

Day 196 - 第一次自己企起身

今日媽媽剛做完瑜伽9:30pm返到屋企,忙住澡涼又要執定聽日返工啲嘢,豆豆係咁摟計,搞到爸爸火火地!我就話你放住豆豆係網床先,我一陣執好啲嘢就哄佢瞓啦!執緊嘢時都仲聽到豆豆的大喊聲,突然間靜晒!由廚房出去看下發生咩事,開頭以為爸爸抱咗,所以收聲…但係竟然見到豆豆自己企咗係到!望住我同爸爸係到做緊咩!雖然腳震震,但係企咗好耐都無跌低!完全唔知佢點企到!第二日,比爸爸影到佢自己企起身的過程,第一下感覺 - 好神奇!

Day 192 - 媽媽第一日返工

經過6個幾月日以繼夜, 夜以繼日既相處,終於都來到返回職場既日子啦! 出門口時,豆豆無喊,大概仲未知道媽媽返工要晚上才回家吧!到晚上6:30pm回到家門口,準備開門時已經聽到豆豆淒厲的喊聲,好似好可憐咁!一抱住就收晒聲啦!係肚餓定真係掛住媽媽呢?

Day 191 - 六個月大個仔針

大懞媽媽記錯時間,一直都以為係5/31打大個仔針,原來係5/30, 雖然miss咗,好在5/31真係可以打到,唔係媽媽就未必陪到豆豆啦!之前打針都會喊,但係一出房門就無事!六個月一共要打三支針,唔知係咪真係好痛呢?喊到行到出出面都仲飲泣緊…爸爸放工來到,只係見到豆豆好可憐咁喊,抱住呵返無事啦!