Day 280 - 第一次係泳池游水

講咗好耐,爸爸都終於帶豆豆去泳池玩水啦!豆豆一啲都唔怕水呀,雖然係咁飲水,但係都想鬆開爸爸隻手,好似話佢阻住你咁!點解等到暑假玩要返工同就來轉季先同佢去游水架!

Day 279 - 呢個係我既招牌笑容

呢件衫,係爸爸係日本時簡既,媽媽話簡啲colourful啲既衫啦,爸爸話男仔唔洗咁靚,藍色就啱啦!呢件衫,雖然簡單,但係影起相來又幾靚WOR!

Day 275 - 9個月大個仔啦

話咁快就9個月啦!好乖一早自己起咗身,係咪知道媽媽想影相,所以一早起身比我影相呢?9個月都仲係一隻牙仔都未有!(無牙佬,先得意呀!)成日自己企起身,扶住周圍行!都仲係唔鐘意食奶,平均都係食120ml-150ml!擺咩埋去你個口,你會呀大食(除咗奶)最鐘意都係食粟米!媽媽好唔捨得你大得咁快,希望你每一日都開開心心咁成長!

Day 273 - 開始想開步行啦

今日豆豆開始想開步行啦!係網床到佢扶一面(床尾),我係床頭叫佢,豆豆想就咁直線行過來,當然中間已經跌低咗啦!臨瞓前佢係機仔前面玩,我話豆豆,去瞓啦!我本來諗住佢會爬過來,點知佢先扶住機仔企起身,之後想行來我到!又知我一定會扶住佢咁!

雞酒

Ingredients:

雞             半隻/雞脾一隻
木耳         1隻
紅早         5-6粒(去核)
薑             一大舊
花生         半碗
糯米酒     半碗

Methods:
1) 薑,木耳切幼絲, 備用
2) 雞洗淨,切件,備用
3) 花生,紅早,加半煲水慢火煲1個鐘
4) 落油,炒香薑絲,煎香雞件
5) 加入花生紅早水及木耳絲煲20分鐘
6) 落糯米酒,再煲20分鐘

Day 268 - BLW 無牙佬食粟米

爸爸成日都話無牙邊度食到粟米呀!今日豆豆就要示範無牙都可以食粟米呀!雖然只係喺到吮粟米汁,但起碼佢無DUMP咗舊粟米落地下,應該係好既開始吧!以前試過比豆豆食蘿蔔,菜心條,飯之類!但大多數佢都係喺到玩,拿隻手係咁渣,渣完又DUMP落地!最後咩都食唔到,只係成身污糟晒!

Day 264 – 自己落床

經過咗20日的嘗試,豆豆又再進一步啦!而家佢會自己落床,唔洗借爸爸大肶力,不過有時太心急,見到都覺得牙煙!成日同佢講,慢啲,唔好咁心急,呢粒仔,講極都唔聽!

Day 257 - 百厭星, 將來必定是個攀登能手

個櫃窄到咁都要攀,擺明擒上去會頂頭又唔就手,都要擒上去!爸爸都怕咗你啦!