大阪之旅2017 - Day8 + 總結

Starbucks > Rinku premium outlet shopping > 酒店

早餐最後竟然去咗食starbucks,估唔到日本starbucks啲嘢食比係香港starbucks好味好多!其實都只係食咗半個三文治加杯咖啡,個三文治係預先做好的,竟然都咁好味!午餐本來諗住試下第二啲嘢,但係最後同係食返蝦天婦羅井同親子井!

做返少少shopping記錄:
Aigle:鞋,藍色,最後一對,無新: ￥13,950
Skeches: 兩對鞋￥8,838
Beams: ￥38,269
Gap: ￥6,165
Comma Ca ism: ￥31,810

大阪之旅2017 - Day7

Rinku premium outlet shopping day > 大戶屋

酒店下面有間coffee shop有早餐食,個早餐無燒玉子,不過有個好鬆軟的面包,加埋咖哩薯仔沙律!杯咖啡都好好味!不過無影個門牌,已經唔記得咗間餐廳名!(￥1,100)

大阪之旅2017 - Day6

酒店 > The City Bakery >大阪市內遊 >check in star gate hotel >遊樂場放電 >韓國餐

好不容易先係酒店附近找到一間早餐店,同酒店的距離唔太遠,不過呢個早餐一啲都唔平呀!食的都係燒玉子面包早餐,加埋杯咖啡,埋單兩個人要￥2,073.-食過咁多個早餐,呢個係最貴的一個!不過個面包比一般的特別,而且好飽!味道係好味既,不過可以細份啲,平啲就好啲啦!

大阪之旅2017 - Day5

酒店 >上島咖啡 >黑門市場  >コメダ >India curry 
上島咖啡係其中一間我地係日本,必搵必去的早餐店!呢間上島係板急三番街入面,要戊0點先開,心諗會唔會同出面的上島唔同呢?結果去到發現呢間上島咖啡係無餐架,得三文同咖啡!最後一人叫咗一份三文治做早餐,都係燒玉子早餐吸引啲! 食完早餐,就去行下黑門市場!去到發現而家的黑門時場,同對上一次來好唔同!呢個市場再唔係比地道人啦,而係比遊客!入面有勁多炭火燒海鮮,蠔呀,帶子呀,海膽呀仲有啲有set叫!menu仲要附上中英文字,切切實實係比遊客!已經再唔係一個地道的市場啦!可惜可惜,再唔地道都再唔好行啦,入到去行咗一陣就走啦!

大阪之旅2017 - Day4

酒店 > Café Comfort > 三宫 > Moyouri 燒牛 > 還車 > 梅田內遊 > 蟹道樂

三宮有間coffee shop佢個早餐好好味!一般日本早餐都係多士加烚蛋,但呢一間同上岛咖啡廳一樣都有煎蛋多士沙律做早餐,真係好好味呀!我咩住信信行去餐廳,到差唔多到,佢瞓咗,仲要我放佢係sofa都唔醒!我地用佢頂帽遮住佢對眼,慢慢叫早餐,仲有時間可以去影下門口,慢慢食餐,仲可以打卡,呢種感覺實在太良好啦!信信非常合作,我地食完打算走人時佢就咗啦!哈哈!

大阪之旅2017 - Day3

酒店 > 明石公園 >魚之棚 明石燒 >三井outlet >大倉酒店check in > 三宫 > 晚餐

一早食完早餐諗住同信信先去明石公園放電!明石公園有勁多SIR滑梯! 有長既, 高既, 多彎既, 可惜信信仲未識玩！本來諗住抱住佢sir下，點知佢周公急call瞓咗！比完錢入場，無半個鐘就走人啦!返到酒店先CHECK OUT,跟住信信就醒咗啦!最後我地決定去多一次,個公園有一大片草地,仲有啲超大的波波可以借來玩!信信見到個大波波真係超興奮呀! 不過真係好大風,就算有太陽都係好凍!所以只係咗一陣,影咗少少相就走啦!

大阪之旅2017 - Day2

酒店 > 灘黑岩仙鄉 > 路之驛 > 鼓亭 > 酒店內欣賞 > 奇蹟之星植物館 > 酒店自助餐

天氣唔太好，一早起身天陰陰！由酒店去看水仙花要個幾鐘先到！仲要經過啲山路！灘黑岩水仙鄉，入面有500萬棵野生水仙花！開頭以為得一面有，原來成個山頭都係！雖然唔明點解咁凍啲水仙花都會開，但一片水仙花又幾莊觀😍可惜無咩太陽，唔係應該會仲靚！好好彩行完一個圈，一上車就下大雨！之後本來想去路之驛，但開始想下大雨，又無拿遮，所以折返咗！去咗間叫鼓亭的餐廳午餐!(￥2,260)

大阪之旅2017 - Day1

香港 > 大阪 > 租車 > Rinku Premium Outlet > 淡路島 > Highway oasis(失敗) > AWAMI

信信1歲1個月第1次去大阪!坐飛機都算係乖,無咩摟計,早一晚煮定好飯同餸,拿上機比信信做午餐!到步後,先去租車!今次都係租Toyota,不過架車比起對上嗰次係名古屋就舊啲啦!另外係日本自駕咁多次,都係第一次用ETC!其實之前朋友都有講過用ETC好,又方便而且平好多!今次專登試下!拿車時同佢講你要ETC,咁樣連車租佢都會叫你比信用咭!機本上同平時渣車都無咩別,只係過TOLL時要係ETC嗰行,有時你會見到明明話收費係￥1500,但過數時只係收咗￥8XX!如果多隧道,該都幾抵制

Day419 - 第四隻牙仔終於鋪頭啦

去完名古屋旅行返來就開始出第四隻牙仔啦！旅程尾二嗰日，信信都係咁疴牙屎，本來預啲片剛剛好，搞到用咗最後一塊片上機，好驚險！不過下面兩隻牙仔係歪！上面兩隻之間有條大拉！唔知再出多幾隻會唔會迫返埋呢？

Day418 - 突然要自己食嘢

間唔中，我地都會試下比信信自己食嘢，但係每次都係玩多過食！呢一兩日，如常餵佢食飯仔，食到一半，佢係咁指住張枱叫「mum mum」咁我地未比佢啲嘢食佢，佢仲係咁喊，係咁指住張枱！原來佢係要我地啲mum mum😅咁未比啲佢食，佢真係淡淡放入口，唔係dump落地！雖然食到最後都係玩，但都已經好過之前好多啦！我地無特別train佢自己食嘢，始終有姐姐係到，下午嗰餐我好難要求咁高，只係間唔中比佢試下！估唔到佢突然改變，好神奇！希望係一個好開始！

Day417 - 識得講曳曳

信信真係好百厭，而家識行成日周圍走，搞東搞西，最衰呢就係拿完啲嘢，唔要就Dump落地！電話呀，遙控呀無一幸免！一唔係呢就摷個垃圾筒啲嘢來玩，話住dirty都係要搞！有時又入廚房，唔比入係怕一唔留神會整到佢，成日呢dump啲嘢入去，借啲二扮入去拿返，好古惑！成日比老豆話佢曳曳！今日信信又入咗廚房，老豆又話佢，雖然不滿但係都出返來！之後佢老豆入廚房倒水，信信就指住佢老豆話曳曳，之後走咗去😂😂😂😂

名古屋之旅2016 - 後記

名古屋的名物有以下,我無時間食晒,食過的有comments,無食既希望下次去可以有機會食下!

名古屋之旅2016 - Day9-10

名古屋市內遊

正常我地唔會係日本過新年,因為新年通常只放一天,我地多數12月31日就會回家!不過今年多咗一日假,所以1月1 日都可以留係日本,不過名古屋的新年真係好靜,靜到有個位我地係到諗,咁啲人到底去晒邊呢?我地由酒店行去大須,全程靜悄悄的,成條街好似得我地三個咁!一路行到接近大須,先開始有啲人氣!正諗緊午餐食咩時,好似無餐廳有開咁,最後去咗間GASUDO到食,好似香港既SAIZERIYA咁.