Day 582 - 怕污糟多過怕比人罰企

信信真係好UN皮,話咗好多次唔好玩門唔聽,最後罰佢企都唔喊!後來發現玩門玩到隻手指污糟咗,媽咪話唔同佢洗就大喊!點解你驚啲嘢咁奇怪呢?唔怕比人罰,但怕污糟...係天生有潔癖,定超級UN皮仔呢?

Day 580 - 信信識得叫爸爸媽媽個名啦

今日問信信，爸爸叫咩呀呀？佢話「陳...子...德」😂到問佢媽媽叫咩名，佢就話「蔡...月....」月咩呀？佢話「月亮」😅媽媽變咗做月亮😝

Day 580 - 第一次做花仔

表姐結婚，信信第一次做花仔，開頭彩排時就成日fing甩姐姐隻手走咗去！到Go Lives時，一開門，可能因為黑馬馬，又有射燈，佢就吓到唔肯行仲大喊，真係失禮晒😂

Day 575 - 上床無難度(下)

事隔一個月,上床又洗咩用床褥呀!有個櫃仔就踏到上張床到啦!

Day 575 - 畫花咗隻腳仔,慘慘豬囉

自己拿咗媽咪支筆,畫花咗自己隻腳!走埋來叫我幫佢洗!我話你咁百厭,唔同你洗!就喊到口水鼻涕都出晒來!有無咁慘呀!呢個仔,應該係有潔癖既!

Day 572 - 這個同吸塵機一樣...

信信成日拿咗我把傘當做吸塵機,今日又拿咗我把傘係到吸!仲有埋聲....唔...唔....唔....Vacuum...跟住拿把傘並埋去部吸塵機到話YI樣(好似一樣國語音)真係好搞笑!細路的想像空間真係可以無限大!

Day 573 - 自己去popo

train咗好幾個月，終於都識得唔係片片popo啦！今日去完popo問信信疴咗幾多呀？佢看下個馬桶，跟住話「兩條」笑c人！

Day 573 - 咩都話要自己來

歲半開始,咩都話要自己來!去飲茶坐BB椅個扣都話要自己來!今日又話要自己-搞咗耐又唔要人幫!到最後搞掂咗,信信話:好嘢,迫咗,叻叻!迫咗無耐又叫幫佢噤...

Day 558 - 度高係要咁度既...

我地有一面牆,專登比信信要來度高既,每次,度完都係用間尺係牆到畫一下,寫返高度同日期!剛剛先同信信度完無耐,信信又話要度高,自己走咗去牆到企咗係到,本來諗住係咁二應酬下佢,用隻手同佢度,之後信信指住間房,雖然佢唔識講間尺,但係我知佢想要間尺...拿間呎幫佢再度一次,度完,佢自己又走去話筆筆,筆筆...佢完全清楚度高的程序,馬虎啲都唔得!第日讀書係咁就好囉!