豆豆四個月啦，第一次同佢去旅行！親佢仲係食人奶、唔係帶好多嘢，同佢去返轉沖繩！近近地，又有bb仔嘢買，又有得自己shopping！日本好多商場都有餵奶既地方，所以十分方便！
一早起身坐巴士去機場，尊登預早少少去機場，因為帶埋豆豆，要早少少去比錢買張不佔位機票$700，過關又無得用e道，要預返啲返啲時間排隊！張不佔坐位機票要先打電話去國泰到BOOK,去到機場要先去比錢再CHECK-IN,其實唔洗BOOK都得啦!返正係不佔坐位!
到咗之後一如以往搵lounge，從前得二個人時，入lounge食嘢都係半個鐘唔洗就搞掂！今次入去，第一時間搵熱水，開奶比豆豆！搵完熱水，又要搵凍水，又要換片！搞完呀仔又到自食!超忙!
飛機遲咗半個鐘，豆豆眼瞓又心嘢，最後反轉佢咩，面向自己，好快就瞓咗！上到機佢都仲瞓緊，本來讖人住一同佢載安全帶佢就會起身，點知都係瞓著無醒！直到飛咗上天，可能耳仔有少少唔舒服，摟咗一陣，到安全帶燈熄咗，即刻餵奶！餵完之後又要換片，跟住放佢係前面塊皮到玩咗一陣又落機啦！落機都係一樣瞓咗，都無咩摟計，二個鐘頭的旅程真係剛剛好呀！
到步後海關十分多人，起碼排啡45分鐘先到！拿完行李，去返domestic嗰面搭單軌車，5個站就到酒店啦！車費¥260 唔知點解真係好肚餓，點知原來酒店check in係有曲奇餅送，太好啦！
Double Tree by Hilton Naha
〒900-0034, Naha City, 3-15 Higashi-machi, Japan
晚上出咗去買soil吸水板，之後去咗Ryu商場行咗一陣，主要係想睇Jelly Beans鞋！出咗好多夏天新款，退稅要買夠¥10,000！諗住親呀仔瞓咗先去食晚餐，點知架車停低都無5分鐘，佢就醒晒，仲要開始摟計！結果都係要一個推佢一個食！食完行到一半，呀仔突然係咁喊好傷心咁，原來佢唔知幾時疴屎疴到成身係！最後行埋過去國際通，之後係牧志站坐車回酒店！
Jelly Beans shop
〒900-8503 沖縄県那覇市久茂地１丁目１-１ 2Ｆ
返到酒店，先同呀仔沖涼，再餵奶，爸爸就洗衫！食飽之後呀仔開始摟計！實在仲有好多嘢未搞，沖涼，整理今日用的錢，執定明天既衫等，所以由得佢喊！同埋呀仔去旅行,好似好忙咁!事都要先處理佢,再搞自己嘢!
沒有留言:
張貼留言