豆媽媽手記『湊仔・遊記・食譜』: 7月 2016

2016年7月31日星期日

九州之旅 2016 - Day4-8 (晴)

之後呢幾日都係以shopping為主,因為湊住個仔,都係喺酒店附近行下,搵下Jelly Bean,無咩特別旳行程,所以group埋一齊寫

Day4 –星乃咖啡 > 鳥栖 > Birthday > 西松屋
Day 5 –Jollful >郵局 > 鳥栖 > 酒店check in > 笑樂牛腸鍋
Day 6 – 上島咖啡 > Marinoa City > 一蘭拉麵 + 地道屋台
Day 7 –上島咖啡 > 天神附近shopping > 八兵衛 > 星乃咖啡
Day 8 – 上島咖啡 > 買生果 > Check out >天神附近shopping > 機場

1) 餐廳

係日本,我地成日都會搵咖啡店食早餐,日本的麵包真係好好味,如果加埋半生熟蛋同煙肉,來多杯咖啡就真係滿足晒啦!咖啡店來講,今次去過三間,最好味的仍然係上島咖啡,所以去咗三次!另外有間叫星乃咖啡,味道都OKAY!我地叫咗個薯蓉加隻蛋係上面再沾麵包食,好味!不過都係煙肉半生熟蛋吸引啲!仲有一間叫Joyful, 味道好一般,麵包又唔係多士…不過條腸仔又幾好味!佢的湯同飲品係自助形式,要飲咩,自己出去拿!之前試過UCC,不過只係得隻烚雞蛋!

2016年7月30日星期六

Day 249 - 在九州的下水禮

想比豆豆玩水好耐啦，不過爸爸話泳池啲水有綠氣，怕豆豆會飲咗啲水落肚！係屋企又無咁深同咁大的浴江！今次去到九州，book咗間有私人風呂的酒店，那剛好比豆豆試下游水啦！平時都會比佢玩下水，只係未試過唔到地！我地都唔敢放手dump佢落去游，扶住佢游！豆豆一啲都唔怕水，隻腳仔係咁踢！不過游咗15分鐘，豆豆已經累到著完衫，就瞓咗覺豬啦😂

九州之旅 2016 - Day3 (晴)

早餐都係喺酒店到食，食完再同信信玩一次水就要走啦！游水真係放電的最佳方法，信信只係玩咗半個鐘已經累到係咁瞓！平時係屋企都無咁好瞓！

先回去佐賀市的季樂食午飯！去到已經要等位啦，但就唔算多人！坐下後，有個講國語的人就埋來問我地邊到來，我話香港，佢話香港來咁簡呢2個餐啦！我地心諗，點解香港來一定要簡呢二個餐，仲係咁叫我地落單，我地話等陣先要諗諗！最後叫咗個佐賀牛同國產牛！到埋單時，無啦啦對份問卷叫我地做，叫我係呢到寫香港！我問佢咩來，佢示意我係呢到寫香港啦，我最後走咗無幫佢做！唔該都無聲，係咁叫你寫，當人傻咩？啲人話呢間燒肉出名,佐賀牛(淺色)真係好味過國產牛(深色)!不過我覺得唔係一定要係呢間食,反正啲服務真的唔太好!

2016年7月29日星期五

九州之旅 2016 - Day2 (晴)

今日一早食咗早餐就出發去呼子市場！呼子市場好細，得一條大直路，又話係唔知幾大朝市之一，細到呢，一陣就行完啦！呢到最出名就係魷魚同魚，檔檔都係賣呢啲嘢，有一檔賣有田燒，一個碗原價¥2400佢話特價¥1200，我就話¥1200三隻都可以考慮！

呼子朝市
〒唐津市呼子町呼子朝市通り
Tel: 0955 82 3826
MapCode: 182 722 169*17
Opening Hours: 0730-1200

2016年7月28日星期四

九州之旅 2016 - Day1 (晴)

今次係信信第二次出門，諗住早啲去機場唔洗搞到咁趕，點知係機check-in都搞咗成個鐘！係因為book位個人只係book咗一個位，三個人去旅行，點解只係book得一個位呢，好奇怪！去到櫃檯先同我地講，因為只係book咗一個位，隔離個位已經唔available啦！CX話一係就分開坐，一係就要坐中間位，無得簡只可以接受囉！點知上到機先發現中間位都係無籃囉！空姐同我地講可能地勤人員唔知呢班機係無籃，有無咁黑仔呀！最後空姐幫忙轉咗去後一行，4個位都無人坐而且有籃的位！不過回程到我地走都搞唔掂，完全無位😖起飛前book咗一個孖住無籃位，再打去客戶部投訴，不過到上機前都confirm唔到！唉，點解會咁架！結果搞到早餐都無食就要上機啦！好在一路等時企係到餵咗信信食粥，唔係一定爛喊！