今次係信信第二次出門，諗住早啲去機場唔洗搞到咁趕，點知係機check-in都搞咗成個鐘！係因為book位個人只係book咗一個位，三個人去旅行，點解只係book得一個位呢，好奇怪！去到櫃檯先同我地講，因為只係book咗一個位，隔離個位已經唔available啦！CX話一係就分開坐，一係就要坐中間位，無得簡只可以接受囉！點知上到機先發現中間位都係無籃囉！空姐同我地講可能地勤人員唔知呢班機係無籃，有無咁黑仔呀！最後空姐幫忙轉咗去後一行，4個位都無人坐而且有籃的位！不過回程到我地走都搞唔掂，完全無位😖起飛前book咗一個孖住無籃位，再打去客戶部投訴，不過到上機前都confirm唔到！唉，點解會咁架！結果搞到早餐都無食就要上機啦！好在一路等時企係到餵咗信信食粥，唔係一定爛喊！
到福崗已經係日本時間4點鐘啦！過完關就出去坐免費巴士去國內線！一出海關就有指示，唔難搵架！落車後去timescar
拿車，但發現佢地搬咗，心諗唔係咁黑仔呀！正想去問隔離個nippon人點解，就有專車來車我地啦，原來間鋪搬咗，佢地車我地去拿車！架車我係樂天book架!樂天有時會有啲平車,包埋保險!
上車後就直踩去酒店！4個月去沖繩時，個car seat佢都唔係太坐，今次佢自己坐都無問題啦！
我地專登簡和式酒店，諗住呀仔反瞓都無所謂，又可以由佢係地下碌來碌去！間房有廁所但無沖涼的地方，沖涼要落一樓！佢有貨切家族風呂，可以一家人沖！好在呀仔而家識坐，比佢坐係凳仔用花灑沖，方便好多！
晚餐同早餐都係喺房到食，其實咁都幾方便，慢慢餵埋呀仔都得！
沒有留言:
張貼留言