Day367 - 信信一歲生日

信信一歲生日，第一個生日，信信的姑姐幫忙book咗大樹先生的家，呢間餐廳真係好full好難book,唔知姑姐係點book到呢？呢間餐廳，大人可以細，小朋友可以玩！信信玩到好開心！特別係個廚房，佢企咗係嗰到玩咗好耐，抱佢走仲要摟計喊！玩波波池都無咁開心呀！今年仲未食得生日蛋糕，但蛋糕上的生果，信信就可以食！又係一個好酸的士多啤梨！

時間真係過得快，咁快就一年！一年前舊蕃薯己經變咗舊大蕃薯！成一歲先開始出牙仔！而家識啲單字，好似波波，奶奶，花花，靚靚、汪汪，爸爸，包包，dirty! Banana通常只係講到nana, 媽媽係好傷心，眼瞓同肚餓先會叫😢而家最難搞係餵食飯，食一兩淡就搖頭，跟住就要落地！食奶會肯自己返play pen同拿個cushion等食！至於有得玩，可以幾眼瞓都唔瞓，直到無晒電為止！問邊個係信信，佢會識得拍下自己心口😍時間真係過得好快，由識得反身，到lan,爬，扶住行...一年就識！