和歌山・四國之旅2017 - Day 2

2017年7月31日 （晴）

酒店 > 香梅堂 > 那智瀑布 > 撞車 > Dolphin Resort > 橋坑岩 > 酒店

昨天晚上落咗一陣大雨，好在今朝一早好好太陽！係酒店食咗早餐，就出去酒店出面條河到玩水！川湯溫泉的特點就係條河到可以浸溫泉！大家會自己掘個洞，等啲水湧出來，用啲石圍住啲泉水，然後走入去浸溫泉！又可以係出面條河游水。本來諗住比信信係河邊玩一陣水就走！點知佢玩到成身浸晒又唔捨得走！套衫出門時先換，著咗都無一個鐘就要換啦！

和歌山・四國之旅2017 - Day 1

2017年7月30日 (晴)

香港 > 大阪 > 拿車 > 川湯溫泉富士屋

在晴朗的一天出發,8點鐘機真係好趕！4點幾就要起身坐第一班機場巴士去機場(05.20) 到咗機場又因為唔記得咗拿自己張信用卡要再去Cathy Counter比過錢！搞咗好耐先搞掂！過埋關都7點,仲要7.20去到閘口！幾趕都諗住去個Lounge到快快食少少食啲嘢先上機,點知去到先發現原來要早一日預約先入到！無啦啦改咗Policy又無通知,激到老公打上銀行罵佢！

與同一顧主續約 TIPS

第一次自己續約,無想像中咁複雜,係要工人自己去排隊!全部費用加埋HK$665.-雖然係煩啲,但係可以慳到錢,又唔洗自己排隊,無所謂啦!兩年先做一次,兩年後都唔知仲記唔記得囉!寫下等兩年後,如再需要都仲記得!

	有關機構	內容	所須文件	費用
Step 1	香港入境處	目的:拿一份與工人續約指南 Guidebook for the Employment Domestic Helper from Abroad - ID988A (由工人填寫,要相一張) - ID988B (由顧主填寫) - ID407 (一式四份合約,由顧主填寫) 註: form可以在網上download,但合約因為一式四份,只可以於入境處領取	-
Step 2	菲律賓領事館	目的:要係張新合上蓋印 (交回入境處的contact入須蓋好印) ·        工人要準備所須文件,到菲律賓領事館繳交文件及費用!其中有一份form工人要去到菲律賓領事館時填寫!顧主身份證副本可以係拿contract時先交回! ·        我地唔想比個人資料工人,同埋唔想工人拿到新合約後去借錢後走佬,所以自己去領取蓋印的contract! ·        繳交所費用後,於指定日期去領取contract!日期可於receipt找到! ·        處理時間大約1星期 註:我去拿回合約時,唔記得咗拿身份證副本,不過最後佢都比張合約我地!另外菲律賓領事館星期五及六關門,可以安排工人星期日前往辦理!平日去會好啲,因為星期日超多人!預咗工人要去一日!	1) 工人身份證 2) 工人護照 3) 新ID407 4) 顧主身份證copy(或可以取contract時才交回) 5) 工人去到菲律賓領事館要填一份form	1) Contract Verification Fees: HK$80 2) OWWA Membership Fees: HK$195
Step 3	菲律賓領事館	目的:領取已蓋印的contract ·        連同通知書,帶同所須文件(如需要,及費用)於指定時間到菲律賓領事館領取	1) 通知書 2) 顧主身份證副本,如須要	HK$200
Step 3	香港入境處/網上申請	目的:幫工人申請簽證 (即在讛照上蓋印) ·        於舊簽證到期日前8個星期辦理,如網上辦理不可以早過星期 ·        網址: http://www.gov.hk/esapplication ·        須要準備所有文件upload上去apply.過程真係有啲煩,我唔明白點解佢地唔接受一個pdf file,但要迫人逐張逐張文件upload上去-個system太蠢,但係上網申請實在太方便,再來一次都會選擇呢個方法 ·        處理時間大約10個工作天 ·        文件要求:jpg/tif, 200dpi, 每張唔可以大過1Mps無相可以黑白,有相就要彩色 ·        建議要將要upload的文件scan好,改名並分好folder方便到upload時一次過 ·        如果唔網上申請都可以選擇郵寄或親身去遞交文件 ·        網上申請成功後,入境處會以郵寄或電郵的方式通知你	1) ID988A – 由工人填寫form(共四頁紙) 2) ID988B – 由顧主填寫(共三頁紙) 3) ID407 – 新contract (共四頁) 4) 工人個人資料     i) 舊working VISA    ii) 香港身份證copy iii) Passport copy 5) 顧主proof    i) Salary Proof   ii) Address Proof	N/A
Step 4	香港入境處	目的:要在工人護照上蓋上新的Working VISA ·        收到入境處的通知後,可以叫工人自行到入境處辦理	1) 通知書 2) 工人護照	HK$190

               

 

Day 600 - 自己整凍支奶

爸爸話工人姐姐就來放大假,媽媽又要返工,信信要自己照顧自己,等爸爸可以休息下...第一步,自己整凍支奶,第二步,自己沖奶,第三步....

爸爸：＂得未呀!＂
信信：＂差不多＂
爸爸：＂凍未呀!＂
信信：(放支奶係面到)＂未凍!呀...等一陣,差不多＂

講得有文有路好似真係識咁,其實只係想玩水囉!

 

Day 599 - 嗲豬豬...冚到Pat Pat

信信百厭冚到個PATPAT,喊住咁同媽咪講...
信信：＂媽咪,冚到呀!＂
媽媽：＂咁點呀!＂
信信：＂呵返dou＂
媽媽：＂好啦,來呵返啦!呵....得未呀?＂
信信：＂鍚返＂
媽媽：＂鍚返個pat pat呀＂
信信：＂係呀!＂
媽媽：＂好啦,鍚返....唔POP＂

信信即時開心返!呢個仔嗲到呢....係咪男仔來架!

 

Day 596 - 食藍莓都MEAT皮

爸爸媽媽食嘢都唔係好fuzzy,點解隻仔食嘢咁姿整呢?比粒藍莓佢食,佢吐返出來話＂MEAT皮皮＂藍莓點MEAT皮呀!不過可能因為咁,佢食到啲硬嘢,都會識得吐返出來唔食...就算係一啖飯入面有少少硬,佢都可以淨係吐返啲硬嘢出來...

 

Day 593 - 藍精靈,十分勁

媽媽今日放假,同信信食完早餐就係商場玩一陣!經過一間CD鋪有個藍精靈POSTER,我就同信信講＂信信,呢個未係藍精靈囉＂點知信信回我一句＂十分勁＂有時真係唔知佢到底識幾多嘢!無諗過佢會咁樣答我...真係唔捨得你大得咁快

 

Day 588 - 簿是要這樣打的

爸爸帶過信信去銀行打簿,返到屋企就拿咗老豆本簿,ZIP入個櫃到話打簿簿,當然呢部打簿機係有入無出...真有創意!