鹿兒島之旅2019 (Day 8)

2019年2月10日

走嗰日最好天！一早去埋丸尾瀑布，呢個瀑布就係喺路邊，得4個位可以停車！瀑布前面仲要維修緊！無得入去，只係離遠影張相就走啦！

霧島呢面都係比較郊區，無咩嘢好行，就諗住早少少去機場。先去Toyota還車！全部Toll加埋¥11,060之後再坐佢架shuttle去機場！鹿兒島機場其實好細，無咩嘢行！諗住Domestic嗰面會多啲嘢行，所以Check in完就去Domestic嗰面搵嘢食！其實食店都唔係好多間，而且唔係咁好味！本來諗住買支明太子醬，點知Domestic嗰面話呢支嘢要寄倉，所以無買到，但係去返International嗰面又買到！機場其實好細，國際線入咗去都仲有一間店鋪可以行，但係當然唔大啦！明明去鹿兒島，但係機場啲手信唔係東京就係北海道！不過都有機場限定版KitKat...今次係桃味！