日末大阪6天遊2012

因為唔係第一次去大阪,所以無特別plan,都無持別記下每一日的行程,諗住去到先算!京都5年前都去過啦,所以今次唔會去啦...加上天氣咁凍,都唔想去d郊外地方吹風啦....不過因為我地好遲先confirm機票,所以d好時間都無晒啦,要零晨機去,早機返香港...好在有得upgrade去businss class,瞓得舒服啲!仲要係全新model呀!有勁多私人空間呀!正呀!如果係長途機就仲正啦!

我地今次住天王寺(Tennoji Miyako Hotel),雖然唔夠係梅田或者係心齊橋方便,但係間房大好多,而且空調系統都好好...通常冬天去日本,最大的問題係冷暖氣...間房成日都好焗.可能係個暖氣太大,晚上好熱,焗到瞓唔到!不過呢間酒店就無呢個問題,而且好方便,一出天王寺地下鐵詀,1-4出口,一出就到架啦!



由大阪關西空港去天王寺要係梅田轉車,車費980大約一個鐘頭就到啦!因為今次係我第三次來,所以沒有什麼驚喜,不過都想試D上次試過的嘢!當然啦,好吃的會再吃一次....哈哈!大阪最多係燒墨魚波同拉麵!我同老公都鐘意食墨魚波,所以一次過食三間.....平均350-520一份!我地覺得元袓(第一間)係最好味!因為得佢個表面係脆的,其他兩間都係淋的....基本上間間都咁多人排隊....連續吃了三間,真係好飽....好似過份咗少少咁! (埋單: 元祖500 ; 十八番350 ; Takoyaki520)

墨魚波

至於拉麵呢,都有好多間,上幾次來,成日都係食金龍同四天王,今次想食第二啲...聽說一蘭都好出名,好多人排隊,一試就發現呢間係最好味架...食完後,發現四天王同金龍簡直係無得FIGHT呀!個湯底有好濃的豬骨味,同埋係甜架囉! 不過份量真係好少,少到個麵好似係平常size的一半,就算加多個麵都唔夠呀!係門口先買食卷,再坐係到等,門口有一部機,show住入面每一個位的情況,如果吉咗,就會著燈啦!入到去d位呢係一個一個獨立空間...好搞笑!真係好好食,十個推介....下次係都要食呢一間! 埋單-拉麵790, 蛋100

一蘭拉面

我地都有試第二間拉麵,聽人講又好食又抵,但係我同老公都覺得麻麻,可能我都比較鐘意食濃味嘢!!!覺得呢個拉麵啖口d!!雖然好大碗....同有d蔥做配菜...都係豬骨湯底好味d. (埋單-蔥拉麵連蛋880)

神座拉面

另外有間食咖喱的都係好出名架,出名在佢咁多年來,都係賣嗰兩樣嘢,三十年來,日日如事!間鋪依然存在....仲好多人去食.地點係:Hankyu 3 Bangai, Basement 2nd Floor. "India Curry" 仲要食碟咖喱得兩粒仔牛腩!!! 但好味...(埋單每碟780)

India Curry

記得上次去大阪時係咁食蟹,"蟹道樂",不過今次一次都無去食,反而想試下食牛....其實,冬天來講,係應該去食蟹的...因為冬天蟹靚....哈哈...不過已經食過好多次蟹,就未試過牛....

燒肉一丁-限食兩小時....一入去要除鞋,有個好似百子櫃的東西比你放鞋....我地就叫咗兩個牛SETS...有不同部位的牛.....望落去D牛都幾正架..同埋唔洗點汁都得,少少鹽都已經好好味...不過食晒就覺得有點太多的....好肥...(埋單兩個SET9,600)

燒肉一丁

上面那隻,似係日式的燒肉,我地都有試韓式的燒肉,分別在於,韓式...牛會先用汁醃過!我覺得兩隻都好好味....各有各好!順帶一提....通常我地都只係去黑目市場,不過今次去多一個,叫鶴橋市場,不過呢個市場特別的地方係,佢最主最係賣韓國嘢,所以有好多韓國的泡菜,漬物....同好多韓式燒肉店....我地就簡咗一間叫"鶴一"的試,下啦.... (埋單2個LUNCH SET2268)

鶴一

其實又阪仲有一樣嘢出名就係炸串,不過怕佢太熱器,所以幾次都無食....今次就當TEA咁試下....啲炸串都炸好晒放係前面,如果你叫,佢就會翻熱....不過我都係覺得一般囉....一來熱器,二來好似係到食粉咁....天婦羅應該好味D囉.....

炸串

最後呢一樣呢,我次次去大阪都見,不過就無諗過要去試,今次突然想試下..就係食雞泡魚啦.....好貴...都好味,但係唔知點解要咁費囉!可能係雞泡魚有毒,所以要好小心整?鮮味的....但唔值那麼貴!! 加上老公唔好...佢睇住我食...怪怪的!! (埋單4,940)

雞泡魚

唯一一個新地方,就係奈良啦....嗰到有好多座鹿 (沒有角的).....佢地好狼架...我老公拿住個番薯...隻鹿係咁追住佢,最後仲搶咗佢個番薯,連個袋都食埋...好似好耐無食過嘢咁呀! (餵鹿的餅150)

奈良

最後就到我啲戰利品啦....其實都唔係買咗好多....加上無咩減價,所以都唔係買咗多嘢....我去日本咁多次,都無咩留意到有JELLY BEAN專門店,今次好好彩咁遇到,雖然無特別減價,但係已經平過香港啦.....本來想買多一對長boot,最後都忍住手了.....(boot6,121 平底鞋3,591)

另外零食小吃就唔少得架啦....不過已經少買了chocolate啦....

香港其實都有得買...不過好貴.....我地見係街市咁平,所以就買幾樽試下啦...哈哈

戰利品

Waterfront的雨傘香港都有得買...但係係日本買係平好多架....係半價........ (每把550)

嘻嘻....我地仲去咗買"米"..... 買了10kg....我都覺得自己short short地...但係日本米真係好似好多架....=)

不過下次要記得唔好聖誕去日本啦...一係就過埋1月1日....因為未到d嘢最平的時候,好多鋪都未開始減價....福袋雖然係預售,但係都要1月1日先可以拿...我記得我地有一次又係聖誕去日本,又係話無咩嘢減,又係話下次唔好再去...不過都係唔記得咗....今次寫底,一定記得啦!!!!!!!!!!!!!!!!!!!!!

Spending Summary:

	SPENDING (YEN)
Dinning	$     38,316.00
Shopping	$     73,470.00
Transport	$     10,220.00
Grand Total	$   122,006.00