2019年4月22日（晴）
酒店早餐 > 峴港大教堂 >Han Market > Le Rendez Vons法國餐 > 回酒店休息
>沙灘 > Non la Vietnamese Restaurant
Pullman酒店的早餐真係有少少意外，有好多選擇，比起昨日個晚餐仲多嘢食！比如雞蛋類，除咗有煎太陽蛋，over easy, 炒蛋，仲有egg
Benedict..Pancake仲有waffle同creep...早上已經有甜品食！仲可以自己做越南法包三文治，咖啡有8-9款！
食飽就去峴港大教堂！Grab VND77,000，峴港大教堂是一座粉紅色的大教堂，到咗步有勁多人係到影相，都幾難搵到個地點係無人！好快行咗個圈就去Han Market！
越南有2個Market，睇人地啲blog話Han
Market係比較多遊客，所以一定要講價，同埋啲人會好主動咁sell你！至於講幾多價，就看你買幾多啦，當然，越買得多議價的空間就越大啦！Han Market有二層，上層主要賣衫褲鞋袋，仲有好多有牌子的，真定 ，自己諗下啦！而下層主要都係賣啲食物，滕製用品等。一早就打算係呢到買Nuts，行咗幾檔，試咗幾檔都覺得 唔多，就開始講價啦！店主開價VND270K,最後成功以VND200K買咗2斤！店主又推介佢地既 屎咖啡，聞落去係幾香既，店主開價VND250K,最後以VND190成功買咗2包，再送2個滴漏 。
來到越南，梗係要試下法國餐！好多法國餐廳都唔招待小朋友，叫咗1個Set lunch 同一個肉醬義大利麵！set lunch有2個頭盤，一個厚切鵝肝，另一個係焗蜆，主菜有牛扒，味道都幾好，但貴咗少少，埋單VND1,010K,埋單時，有個人介紹我地食佢地另一間越式餐廳，比咗張咭片我地！
食飽咗就回酒店稍作休息，之後就去沙灘玩啦！呢間酒店的好處係近沙灘，所以可以話去就去，玩完又唔洗換衫，就算玩到污糟晒可以即刻返酒店沖涼，非常方便！
玩完又要諗食咩啦！本來諗住近近地係酒店食就算，突然想起今朝個人介紹嗰間餐廳，價錢唔係好貴，就去試下啦！ 叫咗一個Appetiser
for share VND250K, 有好多樣唔同的越式小吃，開頭以為係VND250K一位，結果係一個set真係好抵食！埋單VND540K係今朝的一半！
沒有留言:
張貼留言