廣島大阪之旅2019 - Day 15 (晴)

2019年8 月1日(晴) – Day 15
Drip x cafe > 木津市場 > 川上鰻魚飯 > 機場巴士


早餐都係食酒店入面間餐廳,都係食昨天的食物!食完就出發去木津市場啦!呢個市場主要係看水果,而且好近地鐵站,坐地下鐵大国町駅下車行3分鐘就到啦!不過入面比我期望的細…生果的選擇比期望的少!唔知係咪已經遲咗,有啲鋪頭都開始關門啦!生果可以一箱箱咁買,當然比起出面的平啦!一大盒桃(大個)￥4500另外仲有提子,士多啤梨…可惜無手,唔可以買咁多!呢個生果市場都有蔬菜賣,南瓜大大個都係￥500抵呀!

最後買咗兩箱桃,1個南瓜...公公又買一箱桃,佢仲要買提子同士多啤梨...公公的購買力好勁...勁咗佢仲拿到!

入面仲有一個超大型的超級市場ODA,好似係賣業務用既嘢咁,大大件,仲有好多唔同種類的零食,而且有獨立包裝,又唔貴!基本上同超市無分別,咩都有得買,只係份量啲...佢既凍櫃係成間好凍的雪房咁...好搞笑!下次可以再來,啲嘢集中,好行!食,買齊晒!

行完就去食嘢啦!一入門口嗰到有間川上鰻魚店,鰻魚係新鮮燒架!不過好細間,等咗15分鐘都未有位!差唔多到時,老闆娘話繁忙時間不招待小朋友…啞咗!佢叫我地叫外賣…無計啦,等咗咁耐,唔通唔食咩!飯包好後,老闆娘帶我地去市場入面一處地方食…好在都叫有個位坐!其實…仲好啦...食得自在啲!

最後返酒店拿返啲行李就坐機場巴士早啲去機場啦!公公去到機場都仲繼續買手信,真係好勁!國內線多啲嘢買,如果仲想買手信,記得要過關前買,因為入咗去就只有零食,無土產!仲有時間係機場食埋嘢先上機!15日的旅程結束啦,帶住信信真係覺得啲時間唔係好夠用!第2次同公公去旅行…安排雖然唔完美,不過都好開心呀!