廣島大阪之旅2019 - Day 14 (晴)

2019年7月31日(晴) - Day 14
Drip x cafe > 扇町公園 > kids o plaza > 沾面 > 扇町站附近行街 > 炸牛扒


呢間酒店好近大阪車站,方便走時要坐JR!早餐就係酒店留下DripXCafe食,咖啡一般,但夠近唔洗周圍搵!

食完早餐就出發去KidsPlazaOsaka到玩啦!KidsPlaza就係扇町公園隔離!呢個公園有好多水管滑梯,本來諗住比佢玩埋,但出面真係太熱又曬,所以最後都無玩到!KidPlaza有幾層,有好多唔同嘢玩,有吹泡泡,又可以做個勁大的泡泡包住自己!仲有角色扮演,長滑梯等…基本上都可以玩到半日,入場費大人￥1400,小朋友￥500.好似好多嘢玩咁,但係信信好多時都無定向,玩一陣又就咗去!有時又被一棵樹吊咗!相對我覺得室外的公園比較適合佢,多啲地方走,可以放多啲電!

公公無入到來,話想係出面行下!玩完先同公公會合,再去扇町站出面行下!搵到有間沾麵店幾特別就試下啦!間鋪好細,得一排凳…一星期有幾日唔開,有時開半日(呢啲係我夢想中的工作)平日都有人等位!先購票,再排隊入去!沾面好味,不過食完好滯!

晚餐去咗食牛かつもと村…真係好味!想再Encroe食一次!唔太貴130g牛￥1300先沾啲粉炸1分鐘左右,未熟晒架,上礫時仲見到牛中間係紅色架!食之前再燒一燒佢,要生定熟自己控制!牛肉好嫩口,信信都食到!最後仲追加咗多130g牛!真係好好味!可借係分店唔多,主要都係大阪市入面,而且入面啲位好細,如果多人去就要分開坐啦!