廣島大阪之旅2019 - Day 12 (晴)

2019年7月29日 (晴) - Day 12
Nel Drip Coffee > Farm Circus Outlet > 有馬古泉閣


無意中發現咗呢間咖啡店,估唔到逆竟然有老公最愛的咸牛肉三文治!係收銀處隔離,仲有一個雙管的滴漏咖啡!除咗咸牛肉三文治,仲叫咗個火腿多士同牛油多士加蛋!咖啡開頭有少少酸,但之後覺得好好味!埋單￥2872

食飽就出去FarmCircus啦!呢到係一個好大的道之駅,有餐廳,有市場,有得摘水果,不過我地主要想去一個玩水區!係泳池上有一個bouncer,要另外比錢入場架!入場前自行穿上救生衣,非常安全!開頭信信都唔係好敢玩...最後終於敢滑最短嗰條滑梯啦!最衰唔記得咗提公公拿泳褲,得佢無得入場!

玩完就去埋入面間DayKitchen餐廳食埋嘢先走啦!佢個野菜Pizza好好味,意粉都唔錯,係價錢貴咗啲!埋單￥5162!隔離仲有間市場,啲南瓜勁大個,好似假咁!

未試過同公公住溫泉酒店,今次專登同佢試下住,分開2間房太貴,最係揀咗間大少少的酒店一齊住!酒店的晚餐擺得好靚,不過味道只係一般,無咩特別!係房入面,有公公同信信玩,我地可以靜一陣啦!公公拉住信信浴衣條繩,好似係到扯大攬咁!好好笑!信信仲要一到拉, 一到講英文YouCanMakeIT!