廣島大阪之旅2019 - Day 13 (晴)

2019年7月30日 - Day 13
古泉閣早餐 > 有馬溫泉市街 > 中之島魚市場 > 大阪市內遊

一早食個日式早餐就去出有馬溫泉市街到行下啦!

酒店有Shuttle可以車我地山去溫泉市街到行!有馬最出名係炭酸餅,其實無咩味道,不過要來夾雪糕真係一流!除此之外,仲有好多湯,好似金之湯,銀之湯,出面仲有好多足湯手湯!係一間玩具店公公仲送咗一個玩具比信信!行玩本來係可以打電話叫酒店shuttle但張airsim有問題打唔到電話!老公本來叫我地去有馬車站等佢駕車來接我地,半路上竟然比佢遇到酒店shuttle,車佢去車站接埋我地一齊回酒店取車!

上網見到中之島漁港好似有嘢行又有BBQ海鮮就去行下,順便食埋午餐!點知去到厡來好細,無咩嘢行!選擇BBQ真係好錯,因為嗰日真係好鬼熱,店主仲叫我地坐室外…已經好熱,出面又晒,雖然有嘢遮住,但係都唔想出去燒囉!快快手燒完就走啦!夏天係漁市場BBQ真係要諗清楚!(晚餐約咗五叔五嬸食,難得係日本相遇)