廣島大阪之旅2019 - Day 4 (晴)

2019年7月21日 (晴) - Day 4
珈琲館 > 農マル園芸 > 橋野食堂 > 津山市 > Cocogarden > 昇龍軒 > 酒店check in > 洗衫 　> から寿司


早餐去咗珈琲館到食，叫一杯咖啡可以用特價，140-160叫一份早餐！本來想試下佢地既炭燒咖啡，可惜無熱，最後叫咗Blend Coffee,有點微酸但係放耐咗無一開始咁酸，整體來講都好味！

跟住就駕車去農マル園芸!本來有諗過去果園摘生果,不過放題我地又食唔到咁多,摘生果體驗又已經試過,所以去呢個農芸園...呢到搜羅唔同地方的桃...好多人都一箱箱咁買!除咗桃仲有其他生果,好似提子,蜜瓜...可惜只係旅程的第4日,所以只係買咗幾個白桃食!另外仲買咗個鮮桃雪糕,係用新鮮果肉做出來,味道好清新!

最終目的地係鳥取,不過直接駕車上去實在太遠,所以中間係津山市停一停,順便食個Lunch!上網見到呢間橋野食堂好出名,就去試下!呢剽食面豉醬炒牛腸烏冬!現叫即炒!真係好欣賞日本人的細心,去食飯時剛好信信瞓咗,店家安排咗個日式位比我地坐,咁樣信信可以平瞓係到!不過一放低佢就醒晒囉!

食飽之後係津山市的城東老街行咗一陣,呢到好靜,好多鋪頭門外都有啲用汔水罐做的風車,一串一串,加埋都幾得意!又參觀咗一間古老大屋...由於落雨,行咗一陣就繼續出發去鳥取啦!

去鳥取的途中再經過呢間大江ノ郷自然牧場,呢到的人氣產品係超厚超鬆軟Pancake!雞蛋,牛奶都係自家農場生產!Pancake無添加發粉,材料夠晒新鮮,而且即叫即做,非常好食!我地來到時已經4點幾,雖然人唔多,但係都仲要排隊!好彩都係等咗一陣就食到啦!

唔好以為佢食咗好多,只係表情包!

距離農場大約10分鐘車程,有間叫昇龍軒的炸雞店!呢間店好受學生哥歡迎,因為一串新鮮的炸雞只係要100円!呢個價位幾廿年都無變過...婆婆串雞,公公徒手炸雞...真係大開眼界!無關門時間,賣晒就關門!呢串炸雞係我食過最好味的,肉質鮮嫩多汁,一啲都唔鞋口!信信都爭住食!有啲後悔只係買咗2串...

晚餐去食迴轉壽司(くら寿司)呢間壽司係用機械人拿票及取位,係機械人面前輸入人數等資料,佢就會自動分配枱號!拿票後自己行入去搵枱...呢間壽司店真係又平又好食,叫到成枱都係,埋單都係1,814円!