酒店 > 笠崗島 > 真鍋島 > 恐龍公園 > 倉敷outlet > Ario > Pia Spaido
係酒店食完早餐,見唔係好大雨,就出發去真鍋島啦!上次去四國時因為時間唔啱去唔到貓島,上網見到真鍋島都係一個貓島,而且都有好多班船出發,唔太難去到!由笠崗島到真鍋島大約45分鐘,一日有7-8班船!到步後已經見到有好多貓喵係到曬太陽!隻隻都係懶洋洋...呢到唔大,本來諗住係到食埋Lunch先走,可惜,間餐廳竟然無開!啲貓主要都係集中喺碼頭,而且一啲都唔驚人!
坐船返碼頭就係附近食Lunch再去恐龍公園!呢個公園係Google搵,見近近地就去埋...公園入面有好多好大隻的恐龍,呢到一隻,嗰到一隻,可以同佢影相,不過唔太特別!另一到有滑梯,攀登架...不過信信最有興趣的玩地下啲沙....
玩完就去返倉敷行下Outlet...之後去隔離個Ario商場食飯!Ario有一個小型公園,仲有一個地方定時會噴水出來,正常應該避開啲水,不過信信就專登誇過啲水,結果,成身濕晒!又要返去車到拿衫換!
晚餐食Pia Spaido食!上次去呢間覺得好好味,有好多新鮮包...細細個又新鮮出爐...不過今次等咗好耐都無咩新包出...整體都唔錯!
沒有留言:
張貼留言