廣島大阪之旅2019 - Day 7 (晴)

2019年7月24日 (晴) - Day 7
酒店早餐 > 城崎溫泉街 > 丹後王國 > 七姬殿 > 舟屋群 > 京丹遊覽船 > 油屋


酒店早餐好豐富,信信唔願起身要抱落去食早餐!日式早餐多數都會有魚同飯!

食過酒店早餐,諗住昨天來到的時候太晚,有啲鋪頭已經關了,就早啲出去條日街到行多次!城崎溫泉出名旦馬牛包,就買咗一個試下啦!味道一般啦!其實都唔覺得好多嘢行,行咗一陣就返酒店拿車出發去丹後王國! 呢個地方剛好係我地最終目的地京丹後市的中間點,所以專登去呢到停一停,順便食個Lunch!

丹後王國其實係一個道之駅,呢個道之駅真係好大!結合咗兒童樂園,酒店,餐廳…由於大,遊玩設施的距離好遠,要行好耐先去到一個到!玩一陣已經無時間…最好玩都係呢個滑草,每次可以玩10分鐘,拿住個兜行上去,噴少少水,滑落來…再行上去!玩完十分鐘已經腳軟啦!本來見到有個玩水的Bouncer,但係入面有好多小昆蟲,加上無得陪玩,所以最後無比信信玩!下午去咗食Pizza,超好味!食完再玩多之滑草先出發去伊根的舟屋 !

玩滑草應該放晒佢所有電(爸爸媽媽都無晒電)上車無耐已經瞓咗覺啦!由丹後王國去伊根的舟屋大約1小時車程,去到目的地信信都未醒,就去咗間Guri Coffee休息一下,點知一放下信信無耐就已經醒咗啦!叫咗個Cake同咖啡,埋單￥1,900!食完去咗隔離個旅客中心到問下邊到坐遊覽船!原來佢要CALL船入來...可能都已經四五點,無其他客人,我地三個人包咗隻船!出海後,個船長會做埋導遊,一面駕船,一面解釋!雖然佢只係可以講啲好簡單的英文,但睇得出佢好盡力去解釋!

到咗海中心,船停咗!船長突然比咗幾包蝦條我地,我心諗,有增值服務喎,但係做咩唔早啲比我地架,都就黎落船囉!原來包蝦條係比我地餵海鷗架!如果用手拿住蝦條放出去,啲海鷗一飛過來就會食到,目標咁細,準確度咁高,真係好勁!信信開頭好驚,要我捉住佢隻手放出去...其實自己都有少少怕比佢咬到自己隻手!船家真好耐性,等我地餵晒三包先回程!落船比￥2,000無要求小費!真係好抵玩!之後就駕車返酒店油屋!

呢餐係最正架,有全蟹宴!刺身,燒,天婦羅,煱...真係超好味!我地遲咗到,食到得返我地自己一枱!叫咗個兒童餐比信信,開頭好似好想食咁,食到一半又係到玩!信信對食真係無咩興趣,就算對住美食,都係食兩啖...有時真係唔知預唔預佢食好!一泊二食￥33,920