廣島大阪之旅2019 - Day 10 (晴)

2019年7月27日 (晴) - Day 10
コメダ珈琲 > とれとれ市場> kid-o-kid遊樂園 > Rinku Outlet > まめ寅

下午去咗堺市的とれとれ市場,不過呢到個市場真係好細,無咩嘢賣咁!係七輪燒叫咗個爐送咗啲肉同菜,另外係其他鋪到買咗少少海鮮!食食下開始落雨,仲要轉位!￥5,000

落雨又去唔到出面啲公園玩,只好轉戰室內!上網見到呢間Kid-o-kid,好似好好玩,就比信信係到放下電!呢間kid-o-kid係商場的最高層,真係有好多唔同嘢玩!入面仲有一張好大張的彈床,仲有個吹氣大滾球,可以企入去一路行...信信仲同一個哥哥玩咗好耐!雖然溝通唔到,但玩係無國界架!￥2,600(可以玩全日)

放完電就去咗Rinku Premium Outlet行街啦!放電真係好處多,我地可以係Outlet慢慢咁行2個鐘...真係爽YY呀!行完就去咗食まめ寅晚餐￥3,682我地每次來呢到都會食呢間,不過已經無咗以前最抵嗰個餐啦!佢啲天婦羅真係幾好味...放完電又瞓醒,可能好肚餓...信信自己都食到成碗烏冬!