和歌山・四國之旅2017 - Day 10

2017年8月8日 (晴)

咖啡館 > 茂實果園 > 神戶動物園

拿車附近有間咖啡館,雖然大家都係咖啡館,不過同昨日嗰間有少少唔同！今次呢間平過昨日嗰間,但係呢間得炒蛋!昨日嗰間係叫咖啡,加錢食早餐!今次呢個係就咁叫早餐!見佢又開咗，所以就入去試下! 

消費: ¥960

由拿車嗰到去茂実果園大約三十分鐘車程！先經過直銷店，再行前啲就係個體驗農場！先付錢入場！我地諗住唔洗摘咁多，所以簡咗個摘一個食一個的package!大人一個¥2,000！如果你一早PLAN好,可以網上預約,可以減￥100!附款後有專人會帶你入去個園再作簡單介紹，教你正確摘桃的方法，然後會話比你聽你可以摘邊一棵！佢話摘桃只可以向下摘，唔可以擰！每個桃都會用一張紙包住，先解開鐵線,再向下摘！摘完沿路出去就係個試食區！每人再有一個凍的桃，自己開來食！開桃的方法跟牛油果差唔多，都係中間一刀，擰一下，拿開舊核！如果個核夠熟，一meat就得！但如果未夠淋，會痴得好實！不過入面舊都唔係次次都可以成功取出!試食場仲有桃可以買，都只係¥1,000/四個！抵到爛啦！去返直銷店都有得買¥1,000/三個，但呢到買平少少！其實我覺得食一個摘一個都已經好夠..老實講,啲白桃個個都比紙包住,只可以隔岸觀火..有時自己摘返而唔靚...如果真係想食多啲,可以出去再買,任簡唔嬲...仲可以叫佢簡兩個係今日食,兩個係聽日食!清水白桃果然名不虛傳，多汁多水又夠甜！雖然呢到啲size唔太大，但真係好好味！平時食的桃已經好香,但清水白桃食落仲清甜!如果9月來仲可以狩晴王...可惜今次時間夾唔到!

岡山白桃工房
〒709-0817　岡山県赤磐市上市218-1
TEL: 086-955-1928
營業時間: AM10:00～PM5:00/ 7月1至10月31日営業至PM6:30）
Website: http://www.hakutou.jp/ 
白桃狩り(2個)＋試食2個 - 予約価格 - 1,800円
白桃狩り(1個)＋試食1個 - 予約価格 - 900円 

狩完桃,就係附近既YOUME TOWN到食LUCNH,再出發去神動物園啦!j原本打自去天王寺動物園,後來發現原來神戶都有,又有時間,而且入場費又平,就去呢到啦!去到動物園都已經3點啦!入園金￥600大人!動物園5點就關門,去到見到好多人都準備走...呢個動物園比起想像中大,大部分想看的動物都見到啦!信信一入到動物園就話要MEAT動物,踢動物,同咬動物...你話唔得佢就更開心...有一個環節係可以親親小兔兔...排隊時信信都仲話要MEAT佢,好在到兔兔係佢手時,都只係摸下佢啫!仲有長頸鹿,大象,獅子,老虎,袋鼠,河馬,馬騮,海獅,企鵝...不過有啲動物已經休息緊,看唔到啦!其實如果慢慢玩都可以有半日,但係我地時間唔夠,只可以走馬看花!

神戶市立王子動物園
〒神戶市攤区王子町3-1
TEL: 078-861-5624
Website: http://www.kobe-ojizoo.jp/
休園日：水曜日（周三）9:00-17:00
入園料金: ¥600
泊車要收費

今次神戶住三宮車站酒店,呢間酒店最好的方係佢個停車場同酒店係同一到,所以泊好車拿行季上房都好方便!而且我地打算係呢一站會寄走大部份手信...如果唔係同一度,要行好多轉先拿得晒!間酒店正正係三宮車站入面,搵食行街絕對方便呀!而且,酒店的最上層就係餐廳,諗唔到食上面啲餐廳都得呀!

三宮車站酒店 (Sannomiya Terminal Hotel)
〒651-0096 兵库县, 神户, Chuo-ku Kumoidori 8-1-2
Tel: 078-291-0001
Website: http://www.sth-hotel.co.jp/
消費: HK$2,703 (2晚)
房間SIZE: 18平米/Wide Double Rm

上次來神戶時係車站到有間賣格仔餅的鋪頭...超級好味,今次再來又點可以唔ENCORE呀!不過可能收工的時間來買,太多人,佢地無特別幫我地整返熱,都好味,但如果熱食,應該會仲好味!

Manneken
〒651-0097 兵庫県神戸市中央区布引町4-1-1　JR三ノ宮駅構内
TEL: 078-252-8415
營業時間: 10:00-21:00
Website: https://www.manneken.co.jp/
消費: ¥120+TAX (原味)

晚餐諗住近近地,就係酒店11/F簡間餐廰食啦!見到呢間食日式意粉又幾吸引,於是就入去試下啦!好似啲日式炒意粉咁,又幾好味...眼闊肚窄,叫咁三個,食到好飽....其實唔算太貴...
伍右衛門
酒店11/F
消費: ￥4,104