和歌山・四國之旅2017 - Day 13

2017年8月11日 (晴)

去到trip的尾聲,都係覺得買得唔係好夠皮...係天王寺附近啲MALL又無咩好買,最後決定坐train去臨海Rinku Oulet到再shop過!上次住係outlet又覺得呢個outlet無咩嘢買,今次可能買得唔夠,又覺得好似又有嘢買咁!呢到間BEAMS都有平嘢買,不過男裝啲短褲,平均都要￥6,900先有交易,老公話貴,最後咩都無買!以前來日本,必看的GAP,今次一樣都無買,其實GAP都無咩款,係平...


其實天王寺呢個站真係幾好住呀!地方又大啲,又係大站...去機場,outlet都唔洗轉車!由天王寺去outlet坐train￥820

呢個outlet有間好好味的天婦羅店,唔貴又好味,但係每次都大排長龍...不過已經無咗上次既炸蝦天婦羅定食啦(有五隻大天婦羅蝦) 仲諗緊係咪又要叫個親子井同信信食時,佢已經瞓著咗...我地可以食自己鐘意食既嘢...

まめ寅
〒大阪府 泉佐野市 りんくう従来南3-28 りんくうプレミアムアウトレット2F
營業時間: 11:00-21:00 
0724-63-7513     
￥2,872

信信醒咗,就同佢返去SEACLE嗰面搵少少嘢比佢食,食完再比去佢放一陣一電...SEACLE有個兒童樂園...入場費￥600可以玩一個鐘...地方夠大任佢跑...抵玩!最好笑係信信食到一半話要疴POPO,爸爸合緊眼瞓,我未同佢去POPO囉,咩都無拿...每次信信係日本去廁所都會話「 日本廁所好乾淨,炆廁紙,噤製」一唔係就會叫我「抺亁淨」今次見佢疴完就叫佢下來,信信話「仲疴一陣」搞咗好耐,疴咗超多POPO,疴到爸爸醒咗問我地去咗邊!或者地應該相信信信自己的感覺!

返去先回酒店放低啲嘢,開支奶比信信飲,之後就去食迴轉SUSHI啦...都唔記得有幾耐無係日本食過迴轉SUSHI啦,啱啱係阿倍嘢Q'S MALL嗰到有一間,就去食啦...超多人等位呀!好在出面有個位比小朋友放電...信信一見到呢啲位就會自動除鞋,跟住入去自己玩...等咗差唔多成個鐘,終於都到我地啦!無計啦,有小朋友,要坐枱,但枱唔係太多張....

呢間嘢唔貴,最平呢￥８０就有啦,好似甜蝦咁...海胆呢一礏2舊￥500!叫咗個烏凍同蒸水蛋比信信...埋單都係三千幾YEN.

大起水產迴轉壽司
〒日本〒545-0052 大阪府大阪市阿倍野区阿倍野筋１丁目６−１ あべのキューズモール4F‎
TEL:０6-6644-1500
消費: ￥3,780
Website: http://www.daiki-suisan.co.jp/