和歌山・四國之旅2017 - Day 3

2017年8月1日 （晴）

三段壁 > 洞窟 > tore tore market > 浸溫泉 > 沙灘

第一天的早餐以個盒咁上，賣相一流，滿足晒視覺的享受！

食完之後就去咗三段壁，無咩特別，影張相就走啦！同一個地方可以比錢入去看洞窟，好似張保仔洞！要搭lift 下去地下，大約有30層樓咁低，落到去會見到啲海水沖入個洞到，老實講無咩特別，又唔夠震撼，又唔夠大！不過如果唔入來，好似真係影兩張相就走咁！不過啲水沖上來的時候,信信看到好緊張,好開心,咁都好,抵返!




三段壁
〒和歌山県西牟婁郡白浜町2927−52
TEL: 0739-42-4495

営業時間: AM8:00-PM5:00 (最終入場-PM4:50)/ 年中無休
Website: http://sandanbeki.com
駐車場無料
三段壁洞窟 - 大人(1,300円), 小学生未満(無料)

睇完就去とれとれ市場，今日係星期二但係都好似好多人咁！大又唔係好大，啲嘢唔太貴！可以係市場入面買啲新鮮海鮮再出去租個爐自己燒！不過就唔係炭燒，似係用火，上面放幾粒炭碎！先入去市場入面選購新鮮海鮮,可以同佢講你要BBQ,佢會幫你處理食物(如需要),之後行返出去,有個outdoor的燒烤場!先去櫃枱付款,佢就會來幫你開爐!唔可以帶自己啲飲料入去架,可以係佢到買支水!

北海道帶子6隻加3隻蠔：¥2,000

大蜆：¥1,000/5隻

蝦：¥600

租爐費：¥300/一人

Tore Toreとれとれ市場
〒649-2201和歌山県西牟婁郡白浜町堅田2521番地
TEL: 0739-42-3330
営業時間: 午前8時30分～午後6時30分

Website: http://www.toretore-ichiba.com

食完嘢就返去浸溫泉！私家風呂3點就開,因為我地住兩,我地諗住啲人應該都未到，就去混浴看下啦！雖然話係混浴但係都要著一件由酒店提供的衫遮住重要部位先入到去！入到去，果然係一個人都無，拿拿聲換衫出去影幾張相😅出到去，無諗過個景係咁開揚，對住個海，個溫泉比啲石圍住，好靚！一望無際的海岸!

之後再去其他私家風呂再浸下！昨日去咗私家風呂3號，一個長方形的石池！今日諗住去1號，最近酒店嗰個，不過入到去只係見到一個大木桶，唔係咁靚！於是就轉去2號，呢個係一個長形石池，好過個木桶！本來諗住去返3號場,但係已經有人浸緊,所以只可以簡2號場!我地浸浴，信信係側面玩水！以景來計，最靚係混浴>3號>2號>1號, 露天浴池入面無得再沖涼架,所以係出去私家風呂之前,要係大浴場先沖涼!

浸完浴4點多，又出發去沙灘啦！我地專登等到4點先出發，太曬真係頂唔順！呢到泊車全部都係有料停車場，平均¥1,500我地簡咗一家係¥1,000但只可以泊到6點！我地諗住玩個多小時都夠就泊呢到啦！

信信語錄
早一日,我同爸爸商量緊好無4點先同信信去沙灘,太陽未落山,又唔會烈日當空咁曬住玩,信信答一句「無所謂」 (@20個月)

今次係信信第一次去沙灘玩,來之前已經brief咗佢話啲沙會有少少吉腳,仲專登買定對膠拖鞋比佢...好彩,都肯踩落地，好似又ok咁！玩咗一陣沙，就同佢出去玩下水！信信好開心，係咁拖我出去，我話唔好去太出呀，好危險架！啲水一沖上來，信信就坐下玩，等啲水扯佢落去！成個浪沖埋來冚落信信到佢都唔怕！仲要周圍了啲姐姐玩，係咁講「姐姐，沙沙」當然人地唔會明佢講咩啦！但係佢就氹到啲姐姐好開心!有時經過人地前面,又蹲低望住姐姐,扮晒可愛咁!啲姐姐當然比佢的外表氹到,話佢好可愛啦!仲製造咗好多機會比爸爸名正言順咁影靚女...

呢間酒店距離沙灘約5分鐘車程，如果想再近啲可以考慮三藥莊！呢間酒店正正係沙灘對面，行路都去到非常方便！本來我地都想book呢間,可惜無晒位！

白良浜
〒649-2211 和歌山県西牟婁郡白浜町1600番地
TEL: 0739-43-5555
Website: http://www.town.shirahama.wakayama.jp/

玩完返去酒店先洗衫，¥100洗（有洗衣粉供應）乾衣要¥100/20mins等啲衫的時候，就去lounge坐下食下snacks信信就瞓咗啦！20mins乾唔透啲衫,起碼要40mins

第二餐晚餐無第一餐咁豐富，雖然都係有十二道菜，但感覺太精緻，好小巧！貴嘢就只係得隻龍蝦同2片牛！

其實住和式酒店，最開心應該係信信，有勁多地方比佢走！呢間酒店最唔好的地方就係啲燈製太矮，信信成日係咁㕷啲燈製，係咁拿個電話打！個櫃門比佢又開又閂！有啲和式酒店大少少，我會把啲細件易爛嘢擺高啲，但係呢間就無位放！

信信語錄
爸爸著起浴衣,信信指住話「爸爸好靚仔」 (@20個月)