福崗之旅2013 - Day2 (湯布院-九夢大橋-黑川溫泉)

早餐係自助日式早餐,有個燒魚都幾好食架。雖然唔知係咩魚，不過應該係醃好再風乾。燒完之後特別香。早餐過後我地就去咗金鱗湖行個圈,感覺很普通,無咩特別。

酒店早餐

之後就去咗買傳說中的B-Speak蛋糕。聽講好出名,好多人去買架。所以我地就一早等佢開門。一個細的蛋糕¥460一件,不過得幾啖。個蛋糕真係名不虛傳呀。十分鬆軟可口。

B-Speak蛋糕

去黑川的途中,我地就去咗黑九夢大橋。係一條好高的吊橋。雖然已經有綱欖拉實,但大風時,都係會有少少擺動。好似腳浮浮咁。入場費大人¥500一位。

九夢大橋

跟住就去今日的目的地黑川。黑川係一個很傳統的溫泉區,有好多大大小 小的溫泉旅館,就算唔住,只係浸下都可以架。而且仲有混浴（男女共浴）可以好好見識一下。(≧3≦) 於酒店,我們就住旅館山河,可能係星期五,旅館比無之前那間咁抵。一泊兩食要¥32,100。 但係環境同晚膳都很好。而且都有私家風呂的。再者都有貸設家族風呂,在指定時間可以一家人係嗰到任浸,而且係露天的,很有風味。黑川周圍都係溫泉,而且環境同湯布院完全唔同,感覺好特別。

山河酒店

酒店風呂

黑川溫泉