福崗之旅2013 - Day3 (黑川-高千穗峽-鹿兒島)

早上酒店提供日式早餐,跟昨晚的晚餐一樣十分精緻。又好味又好食。只有係日本先會一大清早食碗飯落肚。

酒店早餐

餐後就去高千穗睇嗰個高千穗峽。由黑川過去要兩個鐘,而且全部都係山路,係咁轉來轉去。啲路又窄,雙程路好似單程路咁。差不多到目的地發現好多車,近的停車場都己經full晒。我地只可以泊一個較遠的停車場。之後再行過去高千穗峽。

高千穗峽

流水拉面

由3號臨時停車場行過去大約30分鐘。無啦啦好似去咗行山咁。唔知係咪濕度好高,熱得有點辛苦。係咁流汗。不過沿途風景尚算優美。行完後就順便去食埋流水麵才回去。一條長長的竹,不斷有流水經過,如果你食本店的流水麵,有個女嬸嬸就會放啲面係個竹上面,麵就會隨流水順流而下,咁你就要用筷子夾起啲麵,夾唔切,就會流咗去個筲箕到。。。到最後嬸嬸就會撈返起啲麵,放返係你面前。全人手操作,真係嬸嬸陪你玩咁。好彩到我地時,係上游嗰兩對人都走了,唔係好似食晒佢地啲口水尾咁。不過,當你行到身水身汗,吃返個又凍又爽的麵,都幾爽。雖然只係得麵同醬油,但係已經好味。每人¥500。

回程時落好大雨,我地去咗間手信店到避雨,順便吹汗自己。諗住細雨啲行,點知行咗一陣又落狗屎,係穚底避咗一陣,買咗一盒木筷子(¥740)手信就拿車走啦。成身濕晒,好在有多對拖鞋。行到去拿車時才發現,原來係有公車可以坐回來的。(￣∇￣)
 由高千穗去鹿兒島要成3個幾鐘,揸到我老公好眼瞓,係咁打自已塊面。(≧∇≦)最後去咗Lawson小休再出發。高速公路費¥3,000。終於都到了鹿兒島啦。我地住係一間叫Dormy Inn Kagoshima 的酒店。係酒店泊車由15:00-11:00第二朝¥1,000。係自動架,泊架車入去,拿返個密碼,拍拍pat pat走人。酒店附近就係天文館通,所有商店都係嗰到,不過都唔係好多嘢行。係東京或大板,有好多街頭小吃,但呢到就比較靜。

晚餐就去咗一間叫我流風的拉麵店。係第一間係九州吃的拉麵。出名係腩肉拉麵。塊豬腩肉真係好好味,好鬆化,而且係有味的。豬骨湯底非常濃郁。我覺得塊豬肉比一蘭更好味。十個推介。如果簡燒豬肉拉麵,細碗¥880,肉係既燒的,所以要等。而普通豬肉拉麵大碗¥880。又抵又好食。

我流風拉面

來日本又怎能不吃生果。七月正係mo mo 桃的盛產季節,超多汁。行過超市見到有個熊本蜜瓜好平。。。¥198大半個可能係就爛,所以咁平。但係真係好多汁。超正