名古屋-Birthday-魚市場-西松屋-紅鮎
帶住呀仔，行兒童用品店係每次來日本的指定動作！一早checkout,先去Toyota租車，就出發去敦賀啦！途經Birthday就先睇下呀仔啲嘢先！上嗰幾次來，信信都仲係坐係可以瞓係到的BB車，今次可以坐係啲得坐既BB車啦！真係大得太快！如果放佢落地行，佢仲興奮，周圍走，搞搞震！個人來講都係比較喜歡行Birthday多過西松屋！特別係如果想買衫，都係覺得Birthday 既比較靚，質地比較好！西松屋的衫都係比較平民feel,無咩design. 價錢雖然相對係貴少少,但係都值既!不過如果買其他BB用品呢,就無咩大分別,兩面都有嘢平!
Birthday (長浜店)
〒滋賀県長浜市小堀町380
TEL: 0749-68-3680
西松屋 (長浜店)
〒長浜市八幡中山町字蓮庵1178番2
TEL: (0749)65-0881
來到日本,行漁市場係另一個指定動作!敦賀就有一個算幾大型既漁市場---日本海さかな街!入面有賣乾貨的,都有賣濕的,最多就係越錢蟹! 越錢蟹同松葉蟹好似,不過就多咗多黑點點,呢啲黑點應該係一啲寄居的小生物,不過好似話係越多就賣得越貴!除咗有喼凍的海鮮外,仲有好多檔都有新鮮的賣!另外都有好多食店,湊住個仔真係好唔得閒,每次食嘢都係快速相機食先就開動,成日都唔記得影menu,影店頭…係漁市場食海鮮,我地覺得是但一間都好味,因
為夠新鮮!我地叫咗一個海膽蟹肉井,同一個蟹肉井,埋單¥4,770!
日本海さかな街
〒福井県敦賀市若葉町１-1531
TEL: 81 770-24-3800
Website: http://www.sakanamachi.info/publics/index/10/
是日酒店簡咗紅鮎,絕對係一間超貴的酒店!可怕係,又唔記得咗影相!一泊兩食, ¥4,073.-因為住房已經好貴,我地簡咗個最平既menu,所以無咩靚海鮮,主要都係魚同菜!不過每樣食物都好精美,賣相一流! 好在我地有一個獨立室食,我地一面食,呀仔就一路周圍走,我地兩個就要輪流食,一飯食個幾鐘!真係好吃力!我地主要都係簡日式酒店,一來多數都可以浸溫泉,二來有呀仔,日式的酒店比較安全,地方又夠大,佢可以周圍走!
是日酒店簡咗紅鮎,絕對係一間超貴的酒店!可怕係,又唔記得咗影相!一泊兩食, ¥4,073.-因為住房已經好貴,我地簡咗個最平既menu,所以無咩靚海鮮,主要都係魚同菜!不過每樣食物都好精美,賣相一流! 好在我地有一個獨立室食,我地一面食,呀仔就一路周圍走,我地兩個就要輪流食,一飯食個幾鐘!真係好吃力!我地主要都係簡日式酒店,一來多數都可以浸溫泉,二來有呀仔,日式的酒店比較安全,地方又夠大,佢可以周圍走!
呢間酒店貴的另一個原因係因為有私家風呂,溫度係可以自己調較,咁較低溫少少,可以比呀仔玩一陣!不過個私家風呂係室外,要出去先沖乾淨涼再入浴,係咁凍的天氣實在係要無比的勇氣!不過當成功,浸咗落水,真係好舒服! 床並唔係傅統的tatami,似係兩張床玉鋪係地!酒店仲有Panasonic按摩椅!
尾上温泉 旅館紅鮎
〒529-0364滋賀県長浜市湖北町尾上312
TEL: (0749)79-0315
二泊一宿: ¥54,30
沒有留言:
張貼留言