Hilton Nagoya -大須商店街> 大勝軒拉面> コメダ珈琲
來到2016年最後一日,我地去咗大須商店街行下,其實由伏見站行過去都唔係好遠!去程我地係坐TRAIN,架TRAIN等咗成10分鐘先到呀!所以回程時,我地決定行返來!大須站有個觀音寺,今日晚上應該會好熱鬧,不過帶住呀仔,我地晚上都無再出去啦!來到大須,又點可以唔行下個二手店商場,不過其實裡面新舊嘢都有得買,要看清楚呀!地下嗰層係賣相機,鏡頭嘢,再上有手錶,手袋,男女裝等!林林總總,咩都有!有passport仲有得退稅架!老公最後買咗一隻二手的ball watch x BMW!比起出面平一半到啦,但係講緊係萬幾蚊…雖然係二手,但係無花無爛,講咗話買錶咁耐,終於買到心頭好啦!
大須商店街
〒名古屋市中区大須
(名古屋市地下鉄の大須観音駅-鶴舞線)
Komehyo （日本最大二手百貨)
〒名古屋市中區大須3-25-31
Website: http://www.komehyo.co.jp/
Lunch正諗緊食咩，突然見到有一間唔起眼的店-大勝軒！咁似係香港嗰間既！香港嗰間我成日食，但老公就未試過，於是就試下呢間！全店主要個menu就係沾面，分別只係多豬肉定少豬肉！味道好濃，但唔覺得好咸！個湯底都比香港的較傑身！面好彈牙，本來諗住比呀仔食啲，但太彈，怕佢咬唔到，所以最後都係叫咗個白飯比佢！因為只係經過，所以無地址！好味！
跟住我地去咗食下午茶,呢間café shop係名古屋好似好出名咁,行到邊都見到佢!好似總有一間係左近咁!見人地個BLOG話呢個甜品好出名,所以就去試下,味道都唔錯呀!我地仲叫咗杯紅豆咖啡同普通咖啡!紅豆咖啡太甜,不過2杯加埋除二就剛剛好啦!
コメダ珈琲
〒愛知県名古屋市中区大須3-31-42
TEL: 052-242-1957
Website: www.komeda.co.jp
仲記得上一年過新年,我地企係呀仔床邊,祝願佢快高長大,快啲一覺瞓到大天光!估唔到咁快就一年!今日新年前夕,我地三人係日本渡過,不過10點幾左右就已經全部瞓晒覺啦!老公仲要有啲唔舒服!行程太趕,係咁
沒有留言:
張貼留言