香港-名古屋-Hilton Nagoya
今次係豆豆第三次坐飛機啦，1歲多人仔就己經坐咗三次飛機😂讀萬卷書不如行萬里路ma😅 越大個仔帶的嘢就越多，而家除咗奶仲要食固體，又唔可以食太甜太咸，所以又另外帶食物比佢！一早起身就預備咗午餐放入保暖㝞帶上飛機！因為冬天，啲衫又多，最後拿咗二個大luggage！只係褸，呀仔都有三件啦！
出發前豆豆己經有小小鼻水，希望中途唔好病啦！上次去日本時，買咗個小背囊比豆豆，今次可以比佢用啦！剛剛開始識行，唔鐘意人地拖住，要自己周圍行，個背囊後面有條繩，唔伯佢走咗去😂一放落地就好似甩繩馬騮咁四圍走，跟住佢仲累呀！
本來諗住坐機場巴士去酒店，但巴士一個鐘頭先得一班，實在好難夾到時間，我地拿完行季，得返5分鐘到，一定趕唔切，所大以最後去咗坐train. 普通train ¥860但停的站比較多，如果想特快就要去櫃臺加¥360轉指定席的特快車，加埋¥1260，貴過坐巴士！
機場巴士
車資：$1,200
班次：一小時一班
行程：大約1小時15分鐘
今次適逢Hilton有6折優惠，係名古屋市內，我地都係住Hilton Nagoya!一共住咗6晚，扣晒所有優惠後，平均一晚HK$1,303.- 由於6晚但要分三次book,所以我地今次已經試過晒佢地既standard, deluxe and executive room. 本來諗住廢事轉房，叫佢downgrade我地，好在我地最後都係決定轉房，因為行程最後二晚係12月31日同1月1日，好多大型商場如Takashimaya, 名鐵百貨，AEON等都關門，因為最後兩晚住Executive Floor,我地可以用佢地個lounge,下午茶（3-4:30pm)及cocktail (6-9:30pm)可以係lounge到hea下！
話說我地第一晚約咗我舊老闆食飯，食完返到酒店都已經9:20分！見個lounge仲有2個字先關門未去個lounge到坐下，但去到好多嘢食已經收晒，有個staff好主動咁問我地想飲咩，仲拿埋比我地!覺得佢地既服務好好！最重要係，4日後我地再返來呢間酒店，呢個staff仲記得我姓咩！洗唔洗咁好記性呀！
講返今次呢個優惠- Hilton有時會搞啲6折定房，只要係HHONOUR的會員就得，再加上咁啱AE咭做promotion,只要簽脹夠HK$2,000即減HK$500，以回贈的方式放返入信用卡入面，不過你就要有幾張AE咭先得啦！所以扣晒所有嘢後，好抵住！
沒有留言:
張貼留言