鍋田川-伊勢NICOPA-黑潮燒蠔-蝴蝶蘭
食過早餐，就先去伊勢AEON店搵個playroom同呀仔放電先！NICOPA係AEON店入面，係要收費的兒童樂園，可惜並唔大，一眼看晒！入場費¥600包一大一細，加多個大人比¥100!呀仔一見到個波波池就已經自己沖咗入去玩，最鐘意係掟晒啲波出來，我地汁！另外一面有個吹氣滑梯，不過信信唔識玩，抱咗佢入去，佢向後行返出來😂仲有一個迷你保齡球，信信已經識得自己拿個波出來人，然後掟出去！大約玩咗一個鐘到就走啦卜，要食lunch再趕去下一站！lunch就係AEON入面食埋，求其間咗一間食天井！走時見到出面有我最鐘意的creep!仲有一款係得朱古力醬¥200抵呀！不過我加咗個雪糕，好好味呀！點解人地嗰啲可以做到咁脆身，香港AEON都有一間食creep但好難食囉！仲要個creep一定會次住張紙，又唔脆！
〒三重県伊勢市楠部町乙160 イオン伊勢店
TEL: 0596-26-1500
之後就要出發去鳥羽啦！由伊勢落去差不多兩個鐘，為咗唔想呀仔摟計同埋可以係中途瞓下，我會先抱住佢等佢瞓咗再放入car seat. 因為佢自己係car seat 係絕對無可能瞓到架！
冬天係蠔盛產的季節，特別係鳥羽，因為沿海，有好多店家都會賣燒海鮮！黑潮燒蠔係其中一間出名的店鋪，光係鳥羽就已經有2間！menu全部都係日文，本來想叫伊勢龍蝦，但價錢以重量計算，一隻都唔平，所以最後叫咗一隻超特大車海老（燒大蝦）¥980！生蠔5隻¥600，圍起上來都係HK$6-7隻，一口氣食咗20隻😍😍仲有啲海水味，超好味呀！所有海鮮即叫即燒，全部熱騰騰的，超正又抵！
鳥羽海鮮市場 海の駅 黒潮
〒三重県鳥羽市浦村町7-1
TEL: 0599-32-5352
早咗去酒店check in！咁多間日式酒店，呢間係唯一一間有人會全程用英文好努力咁介紹!呢間酒店係out of 我地既expectation. 首先佢upgrade咗我地去間大啲的房！雖然係可吸煙房，好彩無煙味！另外酒店lounge有免費雪糕送，晚餐後係大堂又有糖水派，主要係個晚餐，好好味！價錢同對上一間差唔多，真係每日都有驚喜呀！今次晚餐都有鮑魚食,今次呢隻比昨天的更大更新鮮! 仲有伊勢龍蝦兩味,焗同烚,兩樣都好味!
呀仔每次去到呢啲日式酒店都好忙,周圍行周圍搞嘢,成間房入面所有嘢都有佢既指模,衣櫃要開,又要拿住個保險箱的鎖匙係到開,我地把所有危險的,重的,會打爛的都放高,然後就由佢自己係到玩!就係咁,佢可以行足一晚唔停!所以帶住呀仔,我都係比較鐘意呢種日式酒店!相對地方大同比較安全!
呢間酒店的早餐係咁多間日式酒店中,最吸引的一間!雖然只係一人一個盒同一張紙,打開個盒,有12格,張紙就係話你知你緊咩!另外仲有個紙火煱,可以係出面拿隻生雞蛋,放埋入去做滑蛋!雖然唔係每一格都啱食,但咁多間來講,算係最吸引啦!
鳥羽 胡蝶蘭
〒517-0015三重県鳥羽市小浜町237-1
TEL: 050-2017-8989
Website: http://www.kochoran.co.jp/
二泊一宿: ¥30,500
沒有留言:
張貼留言