大阪玩雪之旅2019 - Day 2 - 萬博紀念公園 Expo City

2019年12月23日 晴 (Day 2)

Hiro Coffee Shop > 萬博紀念公園 > 大起水產 > Expo City > dinner with baba san

酒店附近啲早餐店成10點先開，所以駕車去附近的coffee shop,搵到一間Hiro Coffee Shop，由酒店出發，本來只係5分鐘車程，但係我地兜咗好多個圈搵停車場！最後搵咗毎$200/1個鐘的停車場！去到餐廳發現完來就係餐廳的後面有三個免費位！呢間早餐啲包好好味，隻蛋半生熟，好好味！埋單$1298

食飽就出發去Expo City同萬博紀錄公園！公園好多，但唔係好多嘢玩！個長的溜滑梯一啲都唔溜！慢到要用手幫助滑動！另一邊有隻大船同沙池，雖然話無咩嘢玩，都消礳到2個鐘！

什餐去咗食大起水產，呢間唔係$100Yen店，雖然係新鮮啲同足料啲，但係$100yen嗰十啲都已經好好味！埋單$3240

食飽信信開始眼瞓，過隔離的Expo City借咗架bb車就開始行街啦！呢啲租的bb車再過多1年應該就唔啱坐架啦！呢到個商場好大，但唔係outlet所以折扣上唔夠多！最想去的MUJI竟然無嘢買到！本來想買UNIQLO的睡衣，可惜無折，香港買仲平！見信信瞓咗，拿拿聲去埋loft難得可以慢慢行呀！

晚上約咗Baba san食咗炸豬飯同pancake甜品，同以前一樣都係爭唔贏baba太！又食又拿，真唔好意思！好在買咗樽xo醬比佢地！佢地話下次來想食天外天！寫抵廢事下次又唔記得！食得太飽，再係商場行多陣...搵到間好細的DAISO行到商場關門就回酒店了！