2019年12月25日 晴 (Day 4)
星乃珈琲 > 箱館山滑雪場 > 山中溫泉白鷺湯
今日去咗星乃珈琲食早餐，叫咖啡加¥100有個多士同烚蛋！一來就食咗，連相都唔記得咗影！
食完就出發去箱館山滑雪場！本來想去一個local啲的雪場手，但係降雪量不足，都係無開！轉戰箱館山滑雪場！上網見到呢到有開一條lane.....不過都係人造雪！
先坐Gondola上山，大人¥2,000小朋友¥600，剛好今人女士全日免費，所以慳咗¥2,000! Kids world再比¥1,000 呢個kids area比起之前的枚方公園仲細！可以比¥500租個雪兜，不過太窄又唔太斜，我覺得昨天個呔仲好玩！另一面可以教你基本滑雪技巧！如果再坐雪兜車上去就可以玩佢唯一開放的滑道啦！
好在昨日買咗條防水褲比信信...唔係勁快濕晒！鞋就叫佢著多個膠紙，自製防水效果，不過最後都係濕到淋咗！信信玩得太瘋癲，啲冰入晒件外套同鞋入面，出面幾防水都無用！玩咗2個鐘左右，就去雪場餐廳食嘢！行咗一陣信信叫我抱，原來對鞋濕到淋晒，話腳凍！玩緊時唔覺凍咩？坐下除鞋抺腳，係咁話好肚餓！叫佢等埋爸爸先想哭！最後食咗一大碗烏冬同飯！落山換褲，上車瞓咗2個幾鐘！
由滑雪場去酒店差不多3個鐘車程，之所以揀呢間酒店係因為夠平！全蟹宴有埋甲羅燒都係¥32100！開頭讖人住會好舊，入住後覺得都唔錯呀！晚餐係半自助的形式，去到餐廳，枱面已經放好咗一隻烚蟹，半隻燒蟹，半隻蟹煱！好處係可以食到先自己開火，真真正正慢慢食！拆下拆下都食咗個幾鐘先食完！除咗蟹，其他食物係以自助餐形式自己拿！最意想不到係有鮑魚任食！不過煮得太耐，淋咗啲！
沒有留言:
張貼留言