(後記) 北海道之旅2018 - 13天總結



(1) 第一次與公公出走
今次係第三次北海道,信信第一次去北海道,第一次同老公,信信同公公一齊去旅行!同公公去旅行並唔係好辛苦,一來公公仲可以照顧到自己,加上佢跟本無要求…只係有時唔知佢想看咩食咩,因為每次問佢,佢都話無所謂呀!太長途車都怕佢唔得,所以只係近近地去下小樽,盡量係短短的行程加入看景,購物,食好嘢的元素!不過就係因為公公咩都無所謂,有時會覺得佢好似好悶…我覺得佢最有興趣係行街買嘢,睇景佢好似好悶咁!有時問佢想食咩,佢就答「你話食咩未食咩囉!」睇住個menu問佢想食咩,佢答「是但」豬牛雞想食咩呀!?買衫呢,佢就唔啱啦,不過鐘情NIKE鞋!唔鐘意厚多,面包一定要烘底!

北海道之旅2018 (Day 13) - 最後衝刺Rera Outet

2018年8月15日 (雨)
上島咖啡 > RERA Outlet > 午餐 > 機場

北海道之旅2018 (Day 12) - 札幌市內快閃遊

2018年8月14日 (雨)
上島咖啡 > Loft > 大戶屋(午) > 二條市場 > 三越 > 回酒店 > 串烏 > 大丸 > 地下街

今日一早已經開始落雨,所以只可以行下地下街!首先係上島咖啡到食早餐!呢間早餐店真係幾乎係必去架!咖啡無UCC咁好飲,但係有煎蛋同厚多士…食完早餐就去咗行loft,一行就行咗個幾鐘…

北海道之旅2018 (Day 11) - 快遊小樽

2018年8月13日 (雨)
色內café食堂 > 小樽運河 > 新南樽市場午飯 > 札榥 > 狸小路 > 鐖金漁業部

一早先把行李放入車,再出去食早餐,打算行一陣食埋lunch先返來拿車出發返札幌!因為色珈琲館無開,轉咗去另一間色內café食堂到食早餐…入到去,只有幾枱客,無分非吸煙區,好不容易簡咗張枱坐下,等咗好耐都無人來!諗住出去叫嘢食,點知個伯伯話佢會過來serve…成間餐廳就得一個伯伯serve…心諗你係咪做得切呀!叫一杯咖啡可以加\100叫個早餐!咖啡價錢唔貴,就算叫mocha,都係\390…餐廳最後有一對大啦叭,開頭仲以為係古懂,原來仲用得,仲播緊音樂!

北海道之旅2018 (Day 10) - 快閃積丹半島

2018年8月12日 (多雲)
小樽 > 可否茶館 > 積丹 > 神威岬 > 新南樽市場 > COOP > 自家煮

今日一早本來打算去珈琲館食早餐,先把車泊係小樽車站,雖然係收費停車場但唔太貴…(最後比咗\100)…入到去先發現間珈琲館今日同明日都唔開,有無咁好彩呀!之後就去咗車站入面有間可否茶館到食三文治…

北海道之旅2018 (Day 9) - 瘋狂購物日

2018年8月11日(多雲,雨)
UCC coffee > MOP shopping > Rera Shopping > Airport pick up Father > 小樽

呢間酒店的好處就係近UCC,一早起身先去UCC食早餐再出發去Outlet Shopping!UCC的早餐真係好好味,杯咖啡都好飲!

北海道之旅2018 (Day 8) - 絕世美景青池

2018年8月10日 (多雲,微雨)
酒店早餐 > 青池（1小時）> a la champagne > 富田農場 > 札幌 > 川宫

呢間星野渡假村的酒

店的早餐真係一流,雖然都係自助形式,但係食物都好有質素!晨早早餐,竟然有格仔餅食!仲要有勁多醬可以簡…不過我覺得最好味的係煎蛋…一隻平平無奇既煎蛋,個蛋黃唔太熟得來,蛋白仲要有味架!我唔明佢係點做到!隻蛋一打出來就要煎,點解會有味呢?唔通佢浸過生抽?

北海道之旅2018 (Day 7) - 免費的神威之杜公園,美味奶油可樂蟹餅

2018年8月9日(雨)
神威之杜公園 > 自由軒 > AEON西 shopping > 西松屋 > sushi dinner

神威之社公園又係另一個放電的公園,重點係免費入場!仲有室內同室外遊樂場!我地去嗰日陰天,應該一早落過雨,室內的繩網滑梯都有啲濕…呢個公園室外的繩網其實好啱信信玩…因為繩網的洞係正方形而且好細,就算唔小心隻友叉錯腳都唔會跌落地下…可惜天氣唔好!最好笑係信信叫爸爸去玩一個滑梯,爸爸話唔得呀!會Stuck咗係中間,信信即時話「我會好大力咁rescue你架麻!」佢講既Rescue原來就係一腳申佢老豆落滑梯!跟手自己滑埋落去!其實醒到爆,等爸爸滑完,抺乾咗自己先滑落去!

北海道之旅2018 (Day 6) - 旭山動物園

2018年8月8日 (晴)
Birthday > はますし > 旭山動物園 > AEON旭山站 > 鐮倉pasta

由三笠去旭川太約一個鐘,先去birthday行下,本來諗住去到動物園先食嘢,但係經過見到間100円嘅壽司店,就試下啦! 賣點係海膽壽司都係100円!日本啲餐廳真係可以好自助…入到呢間鋪頭有個機械人,佢會問你堂食定拿走,堂食多少人,坐枱定回轉…簡好之後,直接出張票比你,唔係等叫號,而係枱號,跟住指示,自己去坐下!坐下後,自己拿杯…order用平板電腦…有嘢食來時會有提示,然後係有「注文」嗰到拿!除咗埋單,我都無見過有waiter!食咗好多嘢,海膽都食咗三個,埋單都係\2,479円, HKD200都唔洗, 平到呢!

北海道之旅2018 (Day 5) - 北竜町太陽花海 ,小孩之國放電

2018年8月7日 (晴)
酒店自助早餐 > 安田侃彫刻美術館公園 > 西川農場 > stoven > 北瀧町ひまわり > 小孩之國 > AEON

酒店早餐,二個字形容「唔得!」早餐係自助形式,最好味係白面包加薯仔沙律…信信仲肚疴,食食下又話要去廁所,一朝都已經疴咗兩三次!

 食完嘢,先去安田侃彫刻美術館公園,呢度本來有間學校但係已經荒廢咗,不過有藝術家把呢到變咗做個藝術館!可惜,來時間剛好係定休日…入唔到去間學校到!學校附近有啲兒童遊樂設施,比信信玩咗一陣,就走啦!係呢個公園,行行下就會見到有件類似係展品的嘢放咗係到…不過我就唔識欣賞啦!

北海道之旅2018 (Day 4) - 超級放電瀧野公園

2018年8月6日（晴）
二世古 > Grandburden早餐 > 西松屋 > 瀧野公園 > Birthday > 酒店 > 溫泉

今日去Grandburden食早餐,一坐低姐姐比咗張紙同顏色筆信信,佢終於識得油顏色唔出界啦！要好專慢慢油先得!對信信來講真係幾難!

北海道之旅2018 (Day 3) - 高橋牧場, Advanture Park - Niseko Village

2018年8月5日（多雲）
二世古 > musu早餐 > 高橋牧場 > Niseko pizza > COOP shopping > Niseko village > 回酒店

本來諗住去green farm食早餐,但係去到先知道原來已經執咗!周圍附近都唔知邊度有早餐店,行行下發現有間musu開咗,又有早餐食,食咗個多士雞蛋同埋pancake,埋單2500幾円,份量唔多都算貴!

北海道之旅2018 (Day 2) - 名水公園

2018年8月4日 （陰）
登別溫泉街 > 福庵 >名水公園 > 阿武茶

今日早餐安排咗7:45am係房到食,所以7:15am就要起身,比人地執床準備早餐,食完早餐仲要等信信起身食早餐,出得門口都已經九點幾!先去登別溫泉街到行一陣,但係啲鋪頭10點幾先開,同埋多數都係買手信嘅鋪頭!10:50am到就返去酒店攞車再去福庵食蕎麥面!叫咗個天婦羅熱蕎麥面,雖然啲天婦羅加埋落啲面到,啲粉漿淋咗又幾好味喎!