2018年8月6日（晴）
二世古 > Grandburden早餐 > 西松屋 > 瀧野公園 > Birthday > 酒店 > 溫泉
食飽就揸車去瀧野鈴蘭丘陵公園玩!去公園的路上巧遇西松屋,於是就入去行個圈啦!來咗幾日都未買過嘢,去到西松屋忍唔住買咗好多嘢!二世古去瀧野公園要2個鐘左右,呢個公園超大,入口都有好幾個!首先搵間餐廳食飽先再出發!
係另一處有一個好大的山丘,其實係一個大形的彈床,唔知係用咩做既呢?可以咁多小朋友一齊彈都得,真係好勁呀!離開彈床,返入室內有一個大形的繩網,望落去都好安全,好似有幾層繩網咁…可以一層一層咁向上爬,可能信信唔識,爬來爬去都喺最低嗰層!
泊車\410 入場大人\450
晚餐唔係好吸引,無咩貴嘢食,係得個燒帶子同燒魚,有個成吉思汗燒肉,同蟹肉飯…明明同咗佢講有一毎人唔食生嘢,結果都係有生嘢來…答就答咗你,但係又唔理你,呢間酒店真係一般!
食完嘢就再返去浸浴啦!等爸爸可以慢慢浸,信信跟媽媽…(再大啲就唔得啦)呢個溫泉都有好多唔同溫度的泉水可以選擇!由37度到70度都有…同信信一齊,只可以去一個37度的按摩浴池到,當比佢玩下水!入到去呢,信信以為自己去咗泳池到話要游水…玩完水,就出去同爸爸會合!浸完浴總想食啲凍嘢,結果買咗個雪糕…食埋先返酒店!
二世古 > Grandburden早餐 > 西松屋 > 瀧野公園 > Birthday > 酒店 > 溫泉
今日去Grandburden食早餐,一坐低姐姐比咗張紙同顏色筆信信,佢終於識得油顏色唔出界啦！要好專慢慢油先得!對信信來講真係幾難!
Grandburden \2,000
瀧野公園超大超放電,入場費大人450円,入到去先見到一大片草地同埋啲超大的波波…啲波可以自己拿,然後推上草地,在上面一推,個波就會由山上碌落來!我覺得如果可以拿個兜上去滑草抵過係上面碌個波落來…邊有可能跑得快過個波呀?好捉蟲!
玩完室內就比佢去玩水啦…玩水池只有夏天先開,好淺水,得10幾cm,可以係入面玩水!唔記得咗拿泳衣比信信,只好除咗佢件面衫比佢玩一陣!我地企係池邊看,雖然有太陽係頭上面,但係又唔係好熱,都幾舒服!開頭好小心咁玩,玩到最後成條褲都濕晒…仲要唔捨得走!玩水區隔離仲有一個山丘,玩埋先離開!日本的兒童遊樂場真係幾好玩,夠晒大,真係可以比佢係到玩足一日呀!
瀧野鈴蘭丘陵公園
北海道札幌市南区滝野247 泊車\410 入場大人\450
離開遊樂場,先去Birthday行下,由信信出世開始,每次來日本都必定會去呢啲鋪頭,但係隨住信信長大,相信好快我地就唔會專登搵呢啲鋪頭行!
酒店book咗三笠太古之湯,好大間,而且唔係到住都可以入去浸浴,我覺得呢間似大浴場多啲!又無貨切風呂,又無私人風呂!酒店房間無浴室,沖涼一定要落去浴場到沖!來到差唔多7pm,安排咗7:30pm就食晚飯,先同信信好快咁沖個涼先…浴場同房間係同一層,因為要趧住食晚飯,所以沖完涼,好快就走啦!
三笠天然温泉太古の湯・別邸旅籠
一泊二食(2日) \78,360
沒有留言:
張貼留言