2018年8月9日(雨)
神威之杜公園 > 自由軒 > AEON西 shopping > 西松屋 > sushi dinner
神威之社公園又係另一個放電的公園,重點係免費入場!仲有室內同室外遊樂場!我地去嗰日陰天,應該一早落過雨,室內的繩網滑梯都有啲濕…呢個公園室外的繩網其實好啱信信玩…因為繩網的洞係正方形而且好細,就算唔小心隻友叉錯腳都唔會跌落地下…可惜天氣唔好!最好笑係信信叫爸爸去玩一個滑梯,爸爸話唔得呀!會Stuck咗係中間,信信即時話「我會好大力咁rescue你架麻!」佢講既Rescue原來就係一腳申佢老豆落滑梯!跟手自己滑埋落去!其實醒到爆,等爸爸滑完,抺乾咗自己先滑落去!
大五郎set(2個) \3,160円
食完之後就去AEON西店行下…呢間AEON同昨日係旭川站隔離嗰間簡直無得比呀!呢到好行好多!比起之前嗰間大N倍呀!未去到AEON之前又見到間西松屋,又比佢吸咗入去!都係Birthday的衫靚啲!
行行下又見到築地たご焼,又忍唔住走去排隊食!今次一定要堂食!可能我地同呢間嘢無咩緣份,本來諗住得1個人係我前面,應該好快到我!點知我前面2個人都係叫36粒,一次過掃晒…雖然係咁,但係我都係想食少少嘢,行多陣先食晚餐!
神威之杜公園 > 自由軒 > AEON西 shopping > 西松屋 > sushi dinner
神威之社公園又係另一個放電的公園,重點係免費入場!仲有室內同室外遊樂場!我地去嗰日陰天,應該一早落過雨,室內的繩網滑梯都有啲濕…呢個公園室外的繩網其實好啱信信玩…因為繩網的洞係正方形而且好細,就算唔小心隻友叉錯腳都唔會跌落地下…可惜天氣唔好!最好笑係信信叫爸爸去玩一個滑梯,爸爸話唔得呀!會Stuck咗係中間,信信即時話「我會好大力咁rescue你架麻!」佢講既Rescue原來就係一腳申佢老豆落滑梯!跟手自己滑埋落去!其實醒到爆,等爸爸滑完,抺乾咗自己先滑落去!
至於室內呢仲有一個兒童遊樂室,主要係木做成,爬梯上去仲有個空中繩網…之前睇人地啲相以為個木波波池好大,入到去先知原來係咁細!重點係最入邊有幾層,好似迷宮咁!嗰啲洞大人跟本捐唔到入去!一個入口,就多個出口,佢入咗去,我地都唔知係佢會係邊個出口出來…有一次佢捐左入去,爸爸突然間好緊張咁攞部相機叫我攞住,跟住話「都唔知佢去左邊」原來信信係迷宮入邊蕩失咗路,爸爸係出邊聽到佢嘅喊聲,所以好緊張咁入去搵佢!抱咗佢出來,信信話自己「頭先蕩失路呀!」佢話自己有問哥哥出口喺邊,我心諗人哋鬼知你講咩咩!
神威之杜公園
北海道旭川市神居町富沢125番地
去完神威之杜公園就去食自由軒,呢間鋪頭個位好隱蔽,停咗架車落地搵都行咗一陣先見到!間鋪頭好細開11點,我地11:30am去到都要等兩張枱!呢到出名就係一個叫做五郎SET,係一個奶油蟹肉可樂餅,同埋炸魚,不過最好味既係個湯!個set有大有細,會錢都係差\400円左右,分別在於個湯!大的個湯大啲同埋會多隻雞蛋!唔知係咪我太肚餓,覺得好好味!新鮮炸..粉唔太厚,湯夠熱又唔咸,好味!
自由軒
〒北海道旭川市五条通8丁目左2大五郎set(2個) \3,160円
呢間AEON真係咩都有,最重要係有家品店!最鐘意行日本的家品店,見到Tiger真空杯,又忍唔住買咗隻,新款都係\2,580平過香港好多呀!雖然日本都係象印比較出名,但係我唔鐘意象印入面係膠,都係tiger好啲!
係到行咗間Comma Ca同藥房,最重要係呢間AEON店搵到個大啲的紙箱…行埋AEON間藥房,今晚可以先PACK緊啲嘢寄返香港先!
呢間AEON唯一唔好呢就係唔多餐廳選擇,最後食咗間平祿寿司,同上次嗰間比,呢間貴啲,唔係叫咗好多碟,都要\2,307.-
平祿寿司 \2,307.-
信信肚疴到今日終於無咩事啦!
沒有留言:
張貼留言