Day456 - 玩紙巾

瞓覺前,係廁所聽到啲沙沙聲,一出來見到信信把一張剛從紙巾盒拿出一張紙巾再放入垃圾桶!打開個垃圾桶發現入面全部都係一啲乾淨的紙巾! 被爸爸罰企!信信一臉無辜咁指住地下啲紙巾話dirty!可能意思係啲紙巾dirty所以佢dump入去!激死!好浪費呀!要到何時先學會乖乖唔好咁貪玩啦!

Day455 - 上落樓梯,無難度

今日舅公洗禮,信信都有參加!不過係人地好安静係到講道的時候,信信係咁大叫!爸爸帶咗佢出去,廢事佢噪到其他人!禮堂出面有長樓梯!呢粒仔呢,真係完全唔怕跌,見到樓梯就好開心咁以為有嘢玩,自己係到上上落落,又心急!開始時學上樓梯,點知轉個頭就自己落啦!見到都覺得牙煙呀!雖然係有啲危險,不過都總要放手比佢自己試下...佢唔係利害,只係太百厭,唔怕死!

Day453 - 防踢被那麼長,怎麼辦呢?

BB時用嗰張防踢被太短同埋開始窄,買咗張新的防踢被比信信!但因為太長,信信著住防踢被,走路變得困難!早幾日仲成為要佢著防踢被阻礙佢行路而發脾氣!事隔幾日,無啦啦識得自先蹲下,拿起張防踢被再行路!我無教過佢,唔知佢點學識呢?好神奇!每次見到你學識一樣嘢,都叫人覺得興奮喜悅!

Day 441 - 犬齒都出來啦

呢排都唔肯飲奶,平時早上晚上都起碼飲6安奶,而家早上飲得3安,晚上仲衰,滴奶不沾!一比個樽佢,就係咁PU開佢,如果夾硬比佢,就大喊!有時早上連包都唔食!今次無疴牙屎,但係心諗唔通又出牙?一check之下,就發現2隻犬齒同時出來啦!1歲3個月未夠有隻牙仔啦!