2017年7月30日 (晴)
香港 > 大阪 > 拿車 > 川湯溫泉富士屋
在晴朗的一天出發,8點鐘機真係好趕!4點幾就要起身坐第一班機場巴士去機場(05.20) 到咗機場又因為唔記得咗拿自己張信用卡要再去Cathy Counter比過錢!搞咗好耐先搞掂!過埋關都7點,仲要7.20去到閘口!幾趕都諗住去個Lounge到快快食少少食啲嘢先上機,點知去到先發現原來要早一日預約先入到!無啦啦改咗Policy又無通知,激到老公打上銀行罵佢!
信信真係大粒咗好多,比佢坐足全程大肶真係會腳庳😅終於唔洗食BB餐啦,可以食兒童餐,兒童餐有咩?pancake,茄汁豆,雞肉....唔吸引!我幾欣賞大人早餐個雞肉粥,信信其實都啱食,不過份量就少啲!
係架機到係咁話要popo,但係入到廁所又話「污糟,唔鐘意」出出入入廁所幾次都搞唔掂!
到咗步先去domestic機場食咗嘢先再去拿車!今次個ETC竟然sold out咗!無得慳錢啦!
去川湯溫泉的路上,先路經Birthday去買咗少少嘢,大減價全部嘢都好平,可惜趕時間,只係行咗一陣就要走啦!去到酒店都6:30pm, 7pm食晚餐,上房放下嘢休息一陣就去食飯啦!我地住呢間酒店一泊兩食,包早晚餐!今次無特別叫啲好嘢食,最貴應該係個牛啦!呢度唔係好多間酒店,呢間酒店唔係太舊,而且酒店出面就已經係條川湯,要出去玩都方便啲!酒店入面有二個溫泉,一個室外露天,一個室內!室內的一到十二點就會男女換邊,要留意呵!
川湯溫泉富士屋
〒和歌山県田辺市本宮町川湯1452
Tel: 0735-42-0007
〒和歌山県田辺市本宮町川湯1452
Tel: 0735-42-0007
沒有留言:
張貼留言