2018年4月5日
(Day 10)
Sky
city bus station > tour to Hobbiton and Waitmoto growsworm > Hotel in
room dinner
Cost: NZ$618 (2adults)
真係諗咗好耐先決定join呢個local tour!一來貴,二來時間長,又無嘢啱信信玩,怕佢會覺得悶唔合作摟計!但係如果唔去,只係留係Auckland又好似無咩地方好去咁!搵咗好多個tour格過價,最後決定join
InterCity,無他…佢最平! 呢個tour係去哈比人村同看螢火蟲洞…我無睇過魔介,不過Hobbition村真係好靚…螢火蟲洞都好特別,從來都無見過咁多螢火蟲,看唔到星星,睇螢火蟲補數!
InterCity
Website: https://www.intercity.co.nz/tours/hobbiton-waitomo-day-tour/Cost: NZ$618 (2adults)
其他tour其實大致上都一樣(基本上都係包來回車,一餐自助餐lunch同車上snacks)有啲tour可以係酒店門口pickup,但係就要更早出門…因為佢要接晒佢地再車去總站接其他人!tour的集合地點係SkyCity到,由酒店行過去大約10-15分鐘,其實一啲都唔遠!原來擔比早餐唔知食咩,但係酒店對面有MOJO,所以可以買完早餐再上車食都得!
其他tour
一早先去MOJO買早餐,再行去SkyCity車站!明明我地join嗰個係InterCity,仲諗住架車係綠色,但係結果我地係坐Great Sight的車,我都唔明!可能好似啲airliner咁,co-tour啦!上車前一人派咗2包cookies同一樽水…上車先食早餐,係雞肉三文治,如果再熱少少應該會幾好味!信信係咁要食我啲雞肉,買咗個香蕉蛋糕比佢又唔食!係要食人地嗰啲!
Mojo – Cost:
NZ$40.- (2 Chicken Sandwiches & 1 Banana Loaf)
食完先發現完來成程車一個膠袋都無…啲垃圾要渣到落車先dump得!由Auckland渣車去Hobbiton要2.5個鐘,好在信信在車上都瞓咗…到咗目的地,有另一個tour guide帶我地入去哈比人村…基本上個guide會帶你行一圈,介紹下呢到…講真真係無咩心機聽佢講,只係喺到自己影相!啲屋仔全部都好細間,大多數都係無得入去,係得一間門可以打開,可以入到去!相可以自由影,但係唔可以自己走咗去,要跟住自己個tour guide.呢套戲其實都做完好耐啦,點解都仲係咁多人參加tour呢?不過呢到的風景真係好靚…我心諗過,其實冬天個景會係點呢?仲有無咁綠呢?可以買起呢個山頭的人真係好有錢!地方大到呢…
Tour完咗,就去食自助餐lunch啦!呢到真係好迫!可能啲團太多,啲枱好密…迫到櫈貼櫈咁…而且要一枱枱出去拿嘢食!食物來講都係一般啦,對外國的自助餐都不抱太大期望!不過佢個chocolate
cake真係好好味!如果暖暖地會仲好,我一次過食咗2件!
食完又要趕住上返車去下一站啦!跟團就係咁啦,限時限刻,要跟住佢啲時間做人,但係好處係唔洗自己渣車,路上可以瞓覺休息!下一站就要去Waitomo看螢火蟲啦!我咁大個女都未看過真的螢火蟲…由Hobbiton再去Waitomo要個幾鐘,個tour大約45分鐘!先會帶你入去啲洞入面看下啲鐘乳石…要成百年先會長到1CM…之後再行樓梯入去漆黑一片的河,上船,只要你枱頭看,就會見到有好多螢火蟲係頭上!好似好多星星咁…係Lake Tekapo看唔到星星,係呢到看螢火蟲補數!船到岸,tour就完咗啦!因為要保護啲螢火蟲,所以洞入面係唔可以影相架!
之後又要好快咁上返車,返去Auckland啦!由Waitomo返去Auckland大約2個幾鐘,不過返到City有啲塞車!講返個女導遊真係好堅,話說架車開緊,有人係咁講嘢,叫你看下左面,右面咁…我一直都等緊個導遊渣住支mic企係到同我地講嘢!(通常join的tour,
導遊同師機係分開既)等咗好耐都唔係聽到聲…先發現原來個女師機就係導遊…一人做2份工作!仲要講得好熟,唔似要諗咁!真係好勁!
返到Auckland都唔知食咩好,本來想去食Depot Eatery
& Oyster Bar但係個坐住好似好難同信信食!最後返咗酒店食in-room
dinner! Book呢間酒店先,送咗NZ$60.-可以係酒店到用,今次叫左一個兒童意粉,Fish &
Chips, Mushroom Soup!埋單NZ$63.- 多謝酒店!
沒有留言:
張貼留言