福崗之旅2013 - Day4 (鹿兒島-日南海岸-熊本)

酒店無包早餐 一早就去咗酒店附近食。日本的麵包係特別鬆軟好味的。3個包加一杯大咖啡¥850。吃過早餐之後 就去拿車,繼續向南海岸出發。

Tully's Cofee

由 鹿兒島-去日南海岸都要3個鐘。開頭沿海而行,之後有好多燈位,行下又停下。我地最後都係無去到櫻島,只係有揸架車去碼頭遠觀。本來應該可以睇到櫻島火山口噴烟,但好多雲蓋俶住了火山口,什麼都看不到。

之後係途中入了一次油。(¥2,786)由鹿兒島去日南海岸三3個鐘,如果行高速上就要比¥2,450 但係只係快15分鐘,所以都係行條普通的路。條路開頭係大直路但係就有好多燈位,行一陣又要停。而且條路又窄,所以唔可以過頭，行得好慢。

首先我地就去咗鵜戶神,本來想睇啲浪沖上來,可惜今天的浪唔大。之後就去咗日南海產食午餐。呢度因為近海,所以出名係海鮮。你叫完個set後,就會有人拿個碳爐比你燒。一個set¥2,450有帶子兩隻,細蜆兩隻,蚌兩隻,蠑螺兩隻。我地加咗四隻蠔¥1,050。飯¥137一碗。味道一般,特別在可以自己燒。埋單¥3,990。

日南海產

山長水遠來到日南海岸,最主要就係想去翻版復活島。本來諗住係一個境點,原來係一個樂園。入場費大人¥700一個。其實就唔係咁想入但排隊上去時 原來已經係排隊入場。單程路,有入無出。唯有照入去。成個日南海岸,海邊的石頭全部都好似洗衫板咁，一層層 好得意。

日南海岸-翻版復活島

快玩後。就向熊本出發啦。由日南海岸去熊本都有成200幾km,又要揸三個幾鐘。辛苦你了。

終於去到熊本啦,但係搵唔到間酒店,正當我地停下想睇下應該點行時 有個日本人好好咁問我地去邊。仲示意可否上我地架車帶我地去。原來間酒店一直都係附近,只係我地自己睇唔到。個日本人好好,帶埋我地去泊車,幫我地泊埋車。服務行業有禮就一早知 不過我就從來覩未見過咁熱心幫人的日本人。真係很感謝你。雖然我的日文係有限公司,起碼溝通到。

之後就去咗搵生果店,行咗好耐,終於搵到一間較貴的生果店,但無法子啦,買少少,最後買了桃(¥398)同車里茄(¥198)。日本桃真係好好味,超多汁嗰隻。至於晚餐就去了一間元袓拉麵店。湯底係可以的,可惜太油,好肥膩。。一般而已! 另外,熊本係有好多熊本熊架。。。

KUMAMO

元袓拉麵店