2019年4月21日（晴）
香港 > 峴港 >
去越南最煩就係簽證，如果搵旅行社搞，一個人一要$650.-結果網上做，一個人US25.-平好多！只係要一張相同passport copy，上網填好資料，網上付款，完成後等三日就批咗啦！批咗會send email比你，自己print出來！對多次個passport number, 入境個port同日期！過關時連埋passport比佢就得啦！開頭都覺得唔係好穩陣，得張紙...都怕過關有問題，所以都帶定少少美金，以防要做多次落地！
次次搭HK Express都好鬼趕，不過今次好叻架啦，仲有時間可以入到Lounge好快咁食到少少嘢先上機！今次第二次坐HK Express, 感覺都唔太差，早一日仲要勁大雨，仲怕會有好多氣流，結果成程機好順利！
HK
Express 其實有樣好就係咩都要快，因為如果佢遲就要罰錢！所以一齊人就走年！比原定時間早咗15分鐘到！比多咗幾廿蚊，所以簡咗個前啲的位，好快就過咗關！一早
book架酒店shuttle,話明只等45分鐘，本來諗住會好急，點知好快就搞掂晒！成架Shuttle就得我地一家人，成架機咁多人都無人住Pullman？由機場去酒店大約20分鐘，一人VND70,000（HKD24) 小朋友免費！來到越南啲錢真係好好洗！
7:40分機，9:00已經到咗酒店check
in埋啦，不過要3點先有房，放底咗行李就出去行下啦！係越南除咗簽證煩，坐車到好煩！雖然周圍都有的士，但係就咁坐的士又怕比人棍，不過可以用Grab，就好似Uber咁，又可以寫明地點，列明價錢，可能比坐的士貴，但起碼明碼實價！
越南出名係咖啡，第一站去Danang 1975 Coffee，呢間鋪頭好舊，啲櫈坐落去會搖搖下，好似就來爛咁，張枱就山係勝家衣車（用腳踏嗰款）鋪面仲有好多舊電話，舊收音機。叫咗一杯藍莓乳酪同一杯椰子咖啡，乳口酪一般不過係叫比個仔飲的，杯咖啡呢就好好飲啦，雖然係凍咖啡，但係一粒冰都無，反而係打爛晒做啲冰碎，本來以為會好甜，但係又唔太甜，而且有椰子味VND39,000
Danang
1975 Coffee行幾分鐘就到咗另一間食牛肉河的鋪（Pho Phu Gita Hà Nội）有牛河或雞絲河，一場來到，叫咗一個牛腩河，另一個生牛肉河，生牛肉淋啲，牛腩鞋啲，湯底好清，開頭都怕啲生牛肉會唔夠孰，但係佢加湯會再加熱個湯，所以啲牛肉剛剛好！而且佢加咗好多香葱，所以好好味！2碗VND100,000
食完嘢都只係10點幾，本來諗住直接去Big C，最後都係去咗VINCOM呢個大商場，因為諗住可以行耐啲！雖然係大，但係唔係好多嘢行，3樓有間室內遊戲室，有bouncer,有波波池，有好多間房，有間係扮牙醫，有間扮救火，仲有滅火筒。像真度好高，有埋衫可以換，不過乾唔乾淨呢就自己諗下啦！入場VND140,000全日任玩，大人入場VND30,000
之後就去咗Vinmart行下超市，再去買一對拖鞋之後就坐的士返酒店拿房！
返到酒店，沖涼休息一陣就去食晚餐啦！因為今日一早到咗，所以只係喺酒店食，呢間酒店每個星期日都有BBQ Buffet，有蝦，蟹，聖子，帶子，蠔！整體嘢食唔多，我覺得早
餐仲多選擇！不過又唔係好貴，一個人VND680,000包一杯飲品，包一杯飲品的意思真係一杯飲料，想叫多杯水都唔得😆
沒有留言:
張貼留言