2019年4月25日 （晴）
酒店早餐 > Han Market > Vincom Plaza > pho 24 >回酒店休息
> Asia Park > Cuo Ot Singapore Restaurant
今日係encore day，食完早餐，本來諗住去返Vincom Plaza到同信信溜冰，剛好係平日，VND650K就入到場仲包埋鞋！可惜，無呀仔size的鞋！最細係32碼，結果佢好失望！佢話要返落留下VinKE玩消防員，平日入場只要VND90K,但係都無咩嘢玩，就氹佢不如食嘢先，下午同佢去亞洲公園玩啦！估都估到，摟計！見時間尚早，就同佢入去玩一陣！點知可能係平日，無得玩消防員！
玩完就去搵嘢食！越南有好多連鏈Pho店，比如Pho 29, Pho 24...啲數字唔知有咩意思，怕街邊檔唔乾淨，所以去呢啲連鏈店諗住會乾淨啲！簡咗pho 24望落去感覺乾淨啲，味道正正常常啦，杯咖啡唔比cafe的差！
食完又返酒店休息一陣就再出發去多次亞洲公園啦！昨天花咗好多時間玩室內的遊戲室，今日就決定先去室外的遊樂場！雖然有好多機動遊戲，但信信好多都唔夠高玩！只係玩到碰碰車，咖啡杯！有一個機動車，會自轉加公轉，要100cm先玩得，信信其實係唔夠高，叫佢走時佢仲摟計哭，叫佢去問下姐姐佢差少少玩唔玩得，姐姐叫佢度高，就趷高腳，最後成功比佢玩咗兩次！雖然轉得唔快，但係都有離心力，估唔到信信唔驚仲話好好玩！
玩完再同信信去坐摩天輪，信信第一次坐摩天輪，唔驚，仲成日問點解轉得咁慢既？玩完又坐車去食飯！
因為昨日個海鮮餐太好味，所以又encore一次，不過今日試另一款蟹，都係佢地的招牌，係辣椒膏蟹，呢個好多汁，所以叫多咗個炸曼頭，可以點汁食！個汁有少少蟹膏味，不過我覺得個汁太多，稀咗少少！如果個汁濃啲會好味啲！另外叫咗個辣椒炒蜆，個汁入面有啲蝦米仔，好香，蜆都新鮮好味！
沒有留言:
張貼留言