大阪玩雪之旅2019 - Day 7

2019年12月28日 晴 – Day 7

酒店早餐 > 琵琶湖子ども國 > 浜寿司 > pieri mall > AEON mall > pizza buffet > 洒店

先係酒店食個早餐，就駕車去琵琶湖子ども國!由酒店出發，大約2.5個鐘就到啦！呢毎公園都好大，但得一條好長的滑梯而且唔多順暢！好多唔同的滑梯凌散在公園內！其中一條80度斜的滑梯，啲日本小朋友真係好堅，豪不猶豫就跳咗落去！坐係到嗰下都幾驚！但實在係太大風啦，凍到手到硬埋！信信有手套，一啲都唔覺凍！出動埋個暖包，但都唔覺有暖過！來咗日本咁多日，都係第一日要拿件羽絨出來著！室內仲有好多嘢玩！個別要收費！咁啱個bouncer無吹氣，有錢都無得玩！玩完都1點，就再駕車去搵食！

浜寿司就係去酒店方向就駕車去食呢間！店內大部份的sushi都係¥100除咗某啲食物！食咗23碟，埋單先至¥2816真係抵到爛！門口扭咗隻屁屁探的figure. 一扭就中了屁屁...可惜最後唔見咗！

食飽就去Pieri shopping mall行下，主要係想買pillow.另外經過一間玩具特賣倉，啲玩具真係好平！爆旋¥720爸爸竟然主動買比信信😅最後去返Aeon mall買pillow! 晚餐又食pizza buffet. 呢間啲pizza真係幾好味！不過最好味的pizza第一天已經吃了！