2019年12月29日 晴 – Day 8
Essen Coffee >
kid-o-kid > Icora Mall泉佐野 > Saizeriya > 酒店 >
樂房shopping
酒店留下就有間平民珈琲店，價錢都好經濟實惠！多士烚蛋迷理沙律配招牌珈琲¥500，大早餐煎蛋，炸薯粒，腸仔，大沙律配招牌咖啡¥750！店主兩公婆好勤力，一年只放三日假！由守山落返去泉佐野啲Toll真係好貴,有時都唔知佢點收費,淨係Toll都比咗¥5540
食完就去堺市高島屋行下,入面有間超大的室內兒童遊樂場,諗住一陣比信信玩下!先係高島屋入面行一陣就去搵食!見到有間堀忠鰻魚飯,就試下啦!本來我想叫多碗白飯比信信,店家好好人,直接比碗白飯佢,無收我錢!埋單¥4400.
之後就去kid-o-kid玩！第二次來呢到,好處係信信可以自己玩,落雨或好晒就啱晒啦!最好笑係玩⎡扯大攬⎦玩玩下掉轉咗槍頭,完美示範變節,笑死人!
玩完就去酒店附近的shopping
mall行一陣,順便食埋嘢先返酒店!信信上車無耐就瞓咗,商場入面有激安殿堂,無咩人行,不過唔多零食!其實激安殿堂的零食一啲都唔激安,有啲零食係藥房賣仲平!呢到仲有個超級市場,不過未知間民宿個廚房齊唔齊全,所以唔買住!晚餐去咗Saizeriya食,味道一般而且都唔係咁平啫!
呢間民宿地點係泉佐野站行1分鐘就到,用密碼鎖出入,非常方便!地點便利又乾淨!可惜係個廚房設備唔完善,一個煎Pan,又無洗潔精洗嘢…另外係無洗衣機!不過短住都唔錯!放低啲嘢就去車站附近行下睇下有無嘢行,竟然見到有間藥房,有啲零食仲平過激安殿堂!另外買咗啲腰骨膠布,同上次買差唔多價,買完順便返酒店pack好,明天寄埋!
沒有留言:
張貼留言