蝴蝶蘭-伊勢神宮-托福橫丁-一升燒肉-birthday-AKACHAN-Hilton Nagoya
食完早餐CHECKOUT就出發去伊勢神宮,由蝴蝶蘭去伊勢神宮大約45分車程，簡咗條快路，先要上山再落山，開頭仲以為自己行錯路！可能如果唔行呢條路就要兜個大圈,所以呢個叫快路啦!其實我地都已經好早去到伊勢神宮,但係最近嗰個停車場已經FULL咗,要排隊入去!最後我地泊咗一個較遠的停車場,最大收費¥200!一路行入到神宫,真係好凍!可能咩都無,又大風,不停係到食風,凍到呢!最後都未行到最入就已經折返咗啦!
行返出去,有一條街有好多嘢看,叫托福橫丁!入面有好多名物,其中一樣一定一定一定要食既呢就係赤福!其實只係一樣好簡單既嘢,就係一舊糯米,上面有啲紅豆蓉!味道好夾又唔漏,而且啲紅豆蓉仲係好soft¥210有2粒,本來諗住食1份,最後太好味,叫多咗個!買完之後,佢會比個number你,之後會有人拿住出來叫number,到時你舉手佢就會拿到你面前!係托福橫丁有2間赤福,有一間係本店!不過要即場食先好食，同禮盒裝啲味唔同架！
除咗呢個好味糯米滋外,仲有好多間都賣燒飛彈牛,既然今次無機會上高山,就係呢到試下啦啦(¥500) 天熱實在係太凍啦,見到有間賣松格板牛肉包(¥350),熱騰騰的,好味!呀仔都係咁叫包包…哈哈!有一間賣鴨油炸包(¥180)的…千萬唔好食,真係食到成口油! 其實有太陽,只係因為大風,所以覺得凍!快快行完呢條托福橫丁就駕車去食下午啦!
〒三重県伊勢市宇治館町1(内宮皇大神宮)
TEL: 0596-24-1111
Website: http://www.isejingu.or.jp/
來到松板,點可以唔試下日本三大牛之一既松板牛呢?睇咗好多BLOG都介紹呢間一升燒肉,佢有好多間分店,其中係伊勢間係做回轉燒架!不過我地唔想食太多肉,所以去咗另一間,本店!間鋪頭好舊,好好彩有個半private位,咁樣唔怕呀仔摟計阻到人! 每間分店的menu都有少少唔同,我地簡呢間,因為有A5松板牛SET,都係¥5,500!一共有三款唔同部位的牛,其中以A5松板牛為最高級!有一款雖然係瘦啲,但係都好好味!個SET係無飯架,要飯要分開叫,有大,中,小…不過呢個set要最少叫2個!埋單¥12,200!一路燒,啲油一路滴,個火好旺,返轉舊牛都怕燒到隻手呀!食落口唔覺油,入口即化,超正呀!
炭火燒肉一升びん
〒三重県松阪市南町232-3 (本店)
TEL: 0598-26-4457
Website: http://www.ibashou.jp/
回去路上,經過另一間賣小朋友嘢的地方AKACHAN,就入去看下啦!比起Birthday,西松屋,我覺得呢間最高級,賣的嘢最貴,可能呢間店係喺APITA入面,所以賣啲嘢貴啲?!最後咩無買,就去埋food court食嘢先回酒店!
沒有留言:
張貼留言