2018年8月15日 (雨)
上島咖啡 > RERA Outlet > 午餐 > 機場
去到機場check in後,近domestic airline有個叮噹館,比信信喺嗰到玩咗一陣再入custom.等過關都等咗好耐呀!但入到去passport control啲人又好似無晒咁!
上島咖啡 > RERA Outlet > 午餐 > 機場
來到旅程的最後一日,都係要SHOP…一早首先check out,拿咗部份行李去上島食早餐…今日的煙肉好肥…之後老公同公公回酒店取行李,我同信信就去先買票…特然信信話要去wiwi,我拿住個大行李加1箱蜜瓜,諗咗一陣,就同信信搵廁所!我同信信講,媽媽好多嘢拿,無手拖你,呢到又好多人,你要自己自己捉住我!一面比咗背包條帶信信拿住,一面慢慢行去廁所!好在信信真係無自己走咗去!唔係都唔知顧得個行李定顧佢啦!
會合爸爸出發去月台等車啦!只係半個鐘車,我無買指定席…有位就坐,無就企!RERA係南千歲站,距離機場只係3分鐘train…先搵locker把行李寄存再慢慢shop!古唔到啲locker都幾大,可以放得落一個大行李,上面仲可以放到箱蜜瓜…
呢到既重點係Jack Wolf Skin…上次接老豆先見到啲褸都平,可惜係男人款選擇比較少!連小朋友的褸都有呀!買咗上次去德國嗰件\22,500 (60% OFF), 仲有件freeze\10,500 (40% OFF), 老公都買咗一件褸\13,500 (60% OFF), 信信都有一件 \19,800 (60% OFF)
之後同咗信信去玩Bouncing Castle,今日無得有消費免費玩一次啦,要比\300玩5分鐘!信信一共玩咗3次!都係上次係二世古抵玩…玩完去outlet到食lunch就坐shuttle bus去機場啦!Shuttle Bus就係outlet入口,每05分及35出車,我地坐2:05嗰班車去機場!巴士下面無位放行李,要拿埋上車…同埋只係細Shuttle Bus,所以多人排,就未必上到啦!坐shuttle去機場大約15分鐘左右,先會停domestic airport落人再上人,先再去international airport!
13日的旅程劃上句號啦!信信第一次去北海道又係第一次同公公去旅行!雖然已經出走咗2星期,但係都係唔夠喉…北海道夏天真係好好,唔太凍又唔太熱…好適合同小朋友去戶外到玩,就算有太陽晒都唔辛苦!好期待下次的旅行…多謝老公辛苦揸車,計劃行程…又唔介意同埋公公出走!
沒有留言:
張貼留言