北海道之旅2018 (Day 5) - 北竜町太陽花海 ,小孩之國放電

2018年8月7日 (晴)
酒店自助早餐 > 安田侃彫刻美術館公園 > 西川農場 > stoven > 北瀧町ひまわり > 小孩之國 > AEON

酒店早餐,二個字形容「唔得!」早餐係自助形式,最好味係白面包加薯仔沙律…信信仲肚疴,食食下又話要去廁所,一朝都已經疴咗兩三次!

 食完嘢,先去安田侃彫刻美術館公園,呢度本來有間學校但係已經荒廢咗,不過有藝術家把呢到變咗做個藝術館!可惜,來時間剛好係定休日…入唔到去間學校到!學校附近有啲兒童遊樂設施,比信信玩咗一陣,就走啦!係呢個公園,行行下就會見到有件類似係展品的嘢放咗係到…不過我就唔識欣賞啦!

安田侃彫刻美術館

〒北海道美唄市落合町栄町

再揸車去西川農場,唔知點解,GPS只係搵到西川重工,見唔到農場!回想起人地個blog話要先預約,可能因為咁我地搵唔到!不過就搵到Stoven Café…呢間café係西川農場的主人開架,賣點係包…入面個menu全部都係包或三文治!叫咗個包籃加蜜糖同一個三文治!咖啡雖然係新鮮滳餾出來,但係味道都係一般啦!本來已為買第二杯半價先叫2杯,但埋單時都係計2杯的價錢!食食下三文治,見到有人放咗啲羊出來食草…原來真係農場來架…

Stoven Café

北海道美唄市西5条北5-5-5

\ 1,940

 見仲有時間,就去北龍町乕看太場花,入場要比300円!可以租單車踩都只係100円一架,但係冇得比信信坐,所以我哋冇踩到！呢到啲太陽花好多,應該係有幾個唔同的品種…行咗一個圈就走啦啦!啲太陽花一大片,真係好靚…靚過之前山頭上的水仙花…影咗啲相可以用來個wallpaper呀

北竜町ひまわりの里

〒北海道雨竜郡北竜町板谷 143-2

 

睇完之後就再去小孩子國,佢同Highway Oasis係相連嘅!小孩子國入場費大人每位500円,入到去有一個好大嘅室內遊戲室,有成五層樓咁高!最長果條滑梯由5樓直落去2樓,信信開頭只係敢喺地下嗰層到玩,之後就上咗2樓玩滑梯,最後呢就帶佢上5樓試下玩滑落3樓嗰條滑梯!開頭呢就坐媽媽大比一齊滑,玩左三四次之後就可以自己滑啦!仲要話一路滑一路話「我係男仔唔驚嘅」,玩完又話「再玩,係男仔」,小孩子國仲有室外遊戲室,有彈床繩網,但係我哋冇時間所以冇再玩啦!

小孩之國 子どもの国

〒北海道砂川市北光401番地の1

大人\450

 

玩完之後就去咗AEON度買嘢,再返酒店食晚餐!今日的晚餐雖然同次前一樣唔精緻,但係感覺好過昨日,不過隻龍蝦好似唔好好新鮮…食食下諗,早之係AEON買舊和牛來燒啦!

 

食完,又同信信去咗浸溫泉之後返房瞓覺啦！