コメダ早餐 > 鳥取兒童之國 > Birthday > AEON (驟雨）
一早起身，竟然出太陽，本來諗住去鳥取砂丘,最後決定先去兒童之國，爭取時間玩！早餐本來諗住係鳥取車站附近，題去到得間Starbucks，最後駕車去コメダ食！呢到只要叫杯咖啡就可以免費選一個早餐set’包括厚多士半件配白汁碎蛋，烚蛋或紅豆！仲可以追加多士(100円),或烚蛋(60円) 埋單只要1,000円抵食！
食飽出發去鳥取兒童之國!入園料大人500円,小學生無料。每年夏天,室外的玩水池就會開放!唔洗再加錢,直接入場!呢到個玩水池水深只有15cm,仲有一條好短的滑梯,啱晒小朋友玩!信信開頭死都唔肯滑滑梯,都未滑,又用手遮住塊面,又叫你下水前要抱高佢。特然有一刻,唔知佢同隔離個姐姐講咩,講完自滑咗落來話「好嘢我唔再驚啦」到最後直頭扒係到沖落水都唔怕,滑咗過百次!呢到雖然好細,但都玩咗2個鐘!
玩到尾真係要走啦,信信就發脾氣摟計!又話自己唔累,唔洗休臮,結果一上車無耐就瞓咗！
大少瞓咗,到我地自己的自由時間啦,今次的自由時間好長,有3個幾鐘,真係放咗好多電!先去行Birthday,再去間遠少少的AEON mall 行,係AEON食埋嘢先返酒店！
沒有留言:
張貼留言