酒店早餐 > 尾道下通 > Daiso > Namco > 浜三
酒店早餐係semi buffet，有唔同類型嘅蛋，腸仔火腿是但揀一樣，然後出邊有好多唔同嘅麵包，沙律，果汁，任食！呢到啲麵包係自家製的，新鮮鬆軟好味！
今日本來打算去貓島，但係天氣好差又落雨，所以只好係返尾道本通行！ 由酒店行出去大約10-20分鐘，本來就唔係好遠，但係因為落雨又要拖住信信，唯有揸車出去！尾道本通無免費停車場，全部都係收費！兜在幾個圈發現最平都要100/30分鐘！泊好車後就係尾道下通附近行下！
尾道唔係好長，而家店家都係不定休，下下行就會有幾間店鋪無開！呢到啲鋪頭好特別，賣好多自家設計，手工做的東西，店鋪細細，但價錢就一啲都唔平！有2間賣帆布做的店鋪，一入到去就聽到衣車聲，鋪頭入面的貨品，全部都係人手車成！設計簡約，時尚！一個細的帆巾包包就要1500，一啲都唔平架！除咗呢啲手作店，仲有好多輕食的咖啡室！
午餐就簡咗一間家庭式的料理店，餐牌上唔係好多選擇，主要係食瀨戶內海的鮮魚四吃（蒸，炸，刺身，漬）前菜有豆腐，洋蔥同青瓜，另外配麵豉湯同溫泉蛋！960/set
本來諗住去公園，但係成日都落雨，最後去咗一個商場到行街，入面有個小形室內遊樂場可以比信信放下電！由酒店出發15分鐘左右就到，開車無耐信信就瞓咗！好在BB手推車佢都仲啱坐（下年就應該坐唔到啦）我地先去行Diaso同家庭用品店，到信信起身就同佢去Namco到玩！夾公仔真係好難...最後扭咗隻蛋！來咗咁多次日本第一次扭蛋！
酒店附近無嘢食，所以諗住食埋先返去！揀咗間「浜海」的餐廳！係由一對公公婆婆經營，主要係西餐！叫咗一個special lunch (雖然係晚餐）有漢寶扒，雞扒同炸大蝦1250！另外叫咗steak係鐵板上，有牛扒同炸大蝦2隻1800啲蝦好香仲有膏架，好味！
沒有留言:
張貼留言