コメダ > 鳥取砂丘 > 賀露海鮮市場 > 賀露幸 > 城崎溫泉
コメダ的早餐實在係太好味啦,所以encore食多次!食飽就出發去鳥取沙丘啦!呢到好似沙漠咁,好多沙...沙細且滑,就算就咁係沙上面行都唔覺吉腳!不過係沙到行真係幾晒力,每行一步到跌咗落啲沙到,行路時要用多好力先得!呢到除咗沙,基本上咩都無...我地一路行到個小山坡上就準備回程啦!如果可以滑沙,應該會好玩啲,而家得個行字,咩都無得玩!
上車前圥整理一下身上面的沙...啲沙真係好煩,遇到水就仲煩...搞完就上車去搵食啦!本來諗住去砂之美術館,不過最後都無去到!
先去海鮮市場かろいち行個圈!呢到好細,無咩嘢行又無咩嘢買!
午餐揀咗賀露幸市場食堂,叫咗個蟹蓋海鮮飯,Menu張相就好正啦,但係賣相都係一般!不過味道都唔錯!老公叫咗個蒸魚定食!最好味的係餐前小食炸八爪魚...粉唔太厚,八爪魚又夠軟身,連信信都食到,仲同我地爭住食!埋單4,340円
去完海鮮市場就出發去城崎溫泉啦!到咗城崎溫泉check-in完都已經四五點,酒店話可以坐酒店shuttle出去行下,不過好多鋪頭都開始關門啦!不過呢到仲有一夜街,食過晚飯後可以坐酒店shuttle再出去行下!一落車可以玩撈波波遊戲,入面仲有免費糖放題,放得落個紙袋的都可以拿走!有啲手信店可以行下!另外有好幾間鋪係攤位遊戲,主要都係射槍!
溫泉全部都係貸切風呂,無人就可以自由使用!其中有2個早上會變咗男女湯,不過個池實在係太細啦,如果太多人會好迫!信信最鐘意就係浸溫泉,不過唔比佢浸咁耐啦,浸得太耐,怕佢乾會痕!今次比小朋友著的細碼浴衣終於都啱著啦!
因為唔係冬天,所以無全蟹宴,不過都有少少蟹食!信信對食真係無咩興趣,唔好睇佢好似好enjoy咁, 其實食一陣就係到玩!由細到大都係咁!有時都唔知比唔比錢要佢嗰份,唔比又怕佢唔飽,比佢有8成都係浪費!
沒有留言:
張貼留言